رەسەيدٸڭ بەلگورود وبلىسىندا تەمٸر جولعا جاقىن ماڭعا زىمىران بٶلشەكتەرٸنٸڭ قۇلاۋىنا بايلانىستى نوۆىي وسكول اۋدانىندا پويىزدار ۋاقىتشا توقتادى. بۇل جٶنٸندە ايماق باسشىسى ۆياچەسلاۆ گلادكوۆ تەلەگرام-ارناسىندا حابارلادى, دەپ جازادى ازاتتىق.
گۋبەرناتوردىڭ سٶزٸنە قاراعاندا, 14 قازاندا تاڭەرتەڭ نوۆىي وسكول اۋدانىندا ەۋە شابۋىلىنان قورعايتىن جٷيە بٸرنەشە زىمىراندى اتىپ تٷسٸرگەن. ولاردىڭ بٶلشەكتەرٸ تەمٸر جول ماڭىنداعى ەلەكتر جٷيەسٸن بٷلدٸرگەن. وقيعادان ەشكٸم زارداپ شەكپەگەن.
جۋىردا بەلگورود قالاسىندا زىمىران بٶلشەكتەرٸ نەمەسە ۇشۋ اپپاراتىن اتىپ تٷسٸرۋدٸڭ سالدارىنان تۇرعىن ٷيلەر بٷلٸنگەن. قالادا ەۋە شابۋىلىنان قورعايتىن جٷيە ٸسكە قوسىلعان. كەيٸن تاعى بٸر اتقىلاۋدىڭ سالدارىنان وق-دەرٸ قويماسىندا جارىلىس بولعان. ايماق بيلٸگٸ وقيعالاردى ۋكراينا جاعىنىڭ اتقىلاۋىمەن بايلانىستىردى.
ۋكراينا جاعى بەلگورود قالاسىنداعى اتقىلاۋلار تۋرالى حابارلامادى. ول تاراپ ەدەتتە رەسەي اۋماعىن اتقىلاۋ ىقتيمالدىعى تۋرالى اقپاراتتارعا تٷسٸنٸكتەمە بەرمەيدٸ.
ايتا كەتەيٸك, سوعىس باستالعالى بەلگورودتا بٸرنەشە جارىلىس بولعان. سولاردىڭ بٸرٸندە بٸرنەشە ادام قازا بولعان.
