سەنبٸ, 1 قازاندا قازاقستان پرەمەر-مينيسترٸ ەليحان سمايىلوۆ كٶشٸ-قوننىڭ ٶزەكتٸ مەسەلەلەرٸ بويىنشا كەڭەس ٶتكٸزدٸ, دەپ حابارلايدى "ۇلت اقپارات" ٷكٸمەتتٸڭ باسپاسٶز قىزمەتٸنە سٸلتەمە جاساپ.
ٸشكٸ ٸستەر مينيسترٸ مارات احمەتجانوۆ 21-28 قىركٷيەك ارالىعىندا رەسەي فەدەراتسيياسىنان ەل اۋماعىنا كەلگەن ميگرانتتار قاتارىنىڭ ەدەتتەگٸدەن 2-3 ەسە كٶبەيگەنٸن ايتتى. تەك سوڭعى ەكٸ كٷندە بۇل ەلدەن كەلۋشٸلەر سانى ەدەۋٸر تٶمەندەي باستاعان (29 قىركٷيەكتە 22,5 مىڭ ادام كەلسە, 10,1 مىڭ ادام شىعىپ كەتكەن; 30 قىركٷيەكتە – 14,9 مىڭ ادام/11,6مىڭ ادام). ەسەپتٸك كەزەڭدە رەسەي فەدەراتسيياسىنىڭ 382 ازاماتى تۇراقتى تۇرۋ ٷشٸن جەنە 64 ازاماتى قر ازاماتتىعىن الۋعا قۇجات تاپسىرعان.
مينيستردٸڭ ايتۋىنشا, بٷگٸنگٸ كٷنٸ ەلٸمٸزدەگٸ كريمينوگەندٸك جاعداي تۇراقتى. ميگرانتتار تاراپىنان قازاقستان ازاماتتارىنا قاتىستى جاسالعان قىلمىستار تٸركەلمەگەن. سونىمەن قاتار ٸٸم شەتەلدٸك ازاماتتاردىڭ قوعامدىق قاۋٸپسٸزدٸگٸن جەنە زاڭدىلىعىن قامتاماسىز ەتۋدٸ باقىلاۋدى كٷشەيتتٸ, اتاپ ايتقاندا, ادامدار كٶپ شوعىرلاناتىن جەرلەردە پوليتسييا ناريادتارىنىڭ سانى ارتتى.
قر ۇلتتىق قاۋٸپسٸزدٸك كوميتەتٸ تٶراعاسىنىڭ ورىنباسارى – شەكارا قىزمەتٸنٸڭ ديرەكتورى ەرلان الداجۇمانوۆ تيٸستٸ ينفراقۇرىلىمى بار ٶتكٸزۋ پۋنكتتەرٸندە قازاقستان ازاماتتارى, جٷك كٶلٸگٸ جەنە شەتەلدٸكتەر ٷشٸن جەكە جول جولاقتارى بٶلٸنگەنٸن حابارلادى.
«قازٸرگٸ كەزدە قازاقستان ازاماتتارى ٷشٸن شەكارادان ٶتۋ بويىنشا پروبلەمالار جوق», — دەدٸ ول.
پرەمەر-مينيستر جەكەلەگەن ٶتكٸزۋ پۋنكتتەرٸندە ەلٸ دە بولسا ۇزىن-سونار كەزەك بارىن ايتتى.
«رەسەيدٸڭ شەكارا قىزمەتٸمەن ٶزارا ٸس-قيمىلدى كٷشەيتۋ كەرەك, ەكٸ جاقتان دا ادامدار جينالىپ قالماۋى ٷشٸن بٸرىڭعاي الگوريتم ەزٸرلەۋ قاجەت. سەبەبٸ, بۇل بيزنەس پەن حالىقتىڭ ورىندى نارازىلىعىن تۋدىرادى», — دەدٸ ەليحان سمايىلوۆ.
سونداي-اق ٸشكٸ رەيستەر, اۆتوموبيل جەنە تەمٸرجول تاسىمالى سانىن ارتتىرۋ بويىنشا – يندۋسترييا جەنە ينفراقۇرىلىمدىق دامۋ مينيسترٸ قايىربەك ٶسكەنباەۆ, حقكو جۇمىسى بويىنشا – تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين, تۇرعىن ٷيدٸ جالعا الۋ كەزٸندە ازاماتتاردىڭ قۇقىقتارى مەن كەپٸلدٸكتەرٸن تٷسٸندٸرۋ بويىنشا – ەدٸلەت مينيسترٸ قانات مۋسين بايانداما جاسادى.
باتىس قازاقستان وبلىسىنىڭ ەكٸمٸ عالي ەسقاليەۆ, سولتٷستٸك قازاقستان وبلىسى ەكٸمٸنٸڭ ورىنباسارى سەتجان ابلاليەۆ, قوستاناي وبلىسى ەكٸمنٸڭ ورىنباسارى ەرلان سپانوۆ, اقتٶبە وبلىسى ەكٸمٸنٸڭ ورىنباسارى ەرمەك كەنجەحانۇلى ٶڭٸرلەردەگٸ جاعداي تۋرالى ايتىپ بەردٸ.
باياندامالاردى تىڭداعان پرەمەر-مينيستر جٷك جەنە جەڭٸل كٶلٸكتەردٸڭ ٶتۋٸن جەدەلدەتۋ ٷشٸن جٷكتەمەسٸ كٶپ شەكارالىق ٶتكٸزۋ پۋنكتتەرٸن كەڭەيتۋ جٶنٸندە شارالار قابىلداۋ قاجەتتٸگٸن اتاپ ٶتتٸ.
سونداي-اق ەليحان سمايىلوۆ تۇرعىن ٷيدٸ جالعا الۋ كەزٸندە ازاماتتاردىڭ قۇقىقتارىن تٷسٸندٸرۋ جۇمىستارىن كٷشەيتۋدٸ تاپسىردى.
«بۇل ميگرانتتاردىڭ اعىنىنا عانا قاتىستى ەمەس, جالپى ازاماتتارىمىز ٶز قۇقىقتارىن بٸلۋٸ كەرەك. Egov نەمەسە كٶپ قولدانىلاتىن قوسىمشالار ارقىلى تاراپتاردىڭ قۇقىقتارى مەن مٸندەتتەرٸن كٶرسەتەتٸن تيپتٸك جالعا الۋ شارتىنا تسيفرلىق تٷردە قول قويۋعا بولاتىنداي ەتٸپ جاساۋ قاجەت. بۇل ەكٸ جاقتىڭ دا قۇقىقتارىن قورعاۋعا مٷمكٸندٸك بەرەدٸ», — دەدٸ ەليحان سمايىلوۆ.
كەڭەستٸ قورىتىندىلاي كەلە, پرەمەر-مينيستر مەملەكەتتٸك ورگاندار مەن ەكٸمدٸكتەرگە كٶشٸ-قون جاعدايىن رەتتەۋ بويىنشا كەشەندٸ جەنە تيٸمدٸ شارالار قابىلداۋ قاجەتتٸگٸن اتاپ ٶتتٸ.
«بٸرٸنشٸ كەزەكتە قازاقستاندىق ازاماتتار ٷشٸن تۇراقتى «جاسىل دەلٸزدٸ», سونداي-اق تٸركەلمەگەن ميگرانتتاردى انىقتاۋ ٷشٸن موبيلدٸ مونيتورينگتٸك توپتاردىڭ جۇمىسىن قامتاماسىز ەتۋ قاجەت», — دەدٸ ەليحان سمايىلوۆ.
