رەسەيدٸڭ ەكاتەرينبۋرگ قالاسىنىڭ ماڭىندا جول اپاتىنان 5 قازاقستاندىق زارداپ شەكتٸ, دەپ حابارلايدى قازاقپارات قر سٸم باسپاسٶز قىزمەتٸنە سٸلتەمە جاساپ.
«21 اقپاندا ەكاتەرينبۋرگ قالاسىنىڭ جانىندا ورىن العان جول اپاتىنان قازاقستاننىڭ بەس ازاماتى زارداپ شەكتٸ. ولار مٸنگەن Mercedes-Benz Sprinter شاعىن اۆتوبۋس قار تازالايتىن تەحنيكاعا سوعىلعان. كٶلٸك جٷرگٸزۋشٸسٸ قازاقستان ازاماتى. قازان قالاسىنداعى قازاقستاننىڭ باس كونسۋلدىعى جەرگٸلٸكتٸ بيلٸكپەن شۇعىل بايلانىسقا شىعىپ, ديپلوماتتار ەكاتەرينبۋرگتەگٸ قازاق دياسپوراسىنىڭ ٶكٸلدەرٸمەن بٸرگە زارداپ شەككەن وتانداستارىمىزعا بارلىق قاجەتتٸ كٶمەك كٶرسەتۋدە», - دەلٸنگەن حابارلامادا.
قر قازانداعى باس كونسۋلى ەركٸن تۇقىموۆ جەنە جەرگٸلٸكتٸ قازاق دياسپوراسى ۇيىمىنىڭ جەتەكشٸسٸ زارداپ شەككەن ازاماتتارمەن اۋرۋحانادا كەزدەستٸ.
باس كونسۋلدىڭ سۆەردلوۆ وبلىسى حالىقارالىق جەنە ەكونوميكالىق بايلانىستار جٶنٸندەگٸ مينيسترٸمەن كەزدەسۋٸ بارىسىندا بٸزدٸڭ ازاماتتارعا بارلىق مەديتسينالىق كٶمەك كٶرسەتۋدٸ سۇرادى. ٶڭٸردٸڭ دەنساۋلىق ساقتاۋ مينيسترلٸگٸنە تيٸستٸ تاپسىرما بەرٸلدٸ.
«قازٸرگٸ ۋاقىتتا ٷش ەيەل اۋرۋحانادا, ولار ٶز ەستەرٸن جيعان جەنە قالپىنا كەلتٸرۋ تەراپيياسىنان ٶتۋدە. قالعان ەكٸ ەيەل العان جاراقاتتارىنىڭ ايتارلىقتاي ەمەستٸگٸنە بايلانىستى اۋرۋحانادان شىعارىلعان. كٶلٸك جٷرگٸزۋشٸسٸ جاراقاتتاردىڭ جوقتىعىنا بايلانىستى اۋرۋحاناعا بارۋدان باس تارتتى», - دەلٸنگەن حابارلامادا.
قر سٸم باسپاسٶز قىزمەتٸنٸڭ مەلٸمەتٸنشە, اتالعان مەسەلەنٸ قازاقستاننىڭ قازان قالاسىنداعى باس كونسۋلدىعى باقىلاۋىنا العان.
