رەسەيدٸڭ حاباروۆسك ايماعىندا جوعالىپ كەتكەن ان-26 ۇشاعىنىڭ سىنىقتارى تابىلدى, دەپ حابارلايدى قازاقپارات تاسس اگەنتتٸگٸنە سٸلتەمە جاساپ.
«ۇشاق سىنىقتارى ٸزدەۋ جۇمىستارى جٷرگٸزٸلٸپ جاتقان جەردەن تابىلدى», - دەدٸ اگەنتتٸك.
حاباروۆسك ٶلكەسٸنٸڭ «زاپوۆەدنوە پريامۋرە» مەملەكەتتٸك تابيعي قورىقتارى مەن ۇلتتىق ساياباقتارىنىڭ بٸرٸككەن ديرەكتسيياسى تاسس-قا ان-26 سىنىقتارىنىڭ تابىلعانى تۋرالى اقپاراتتى راستادى.
«ۇشاقتىڭ قۇلاعان جەرٸ تابىلدى. ول – كورفوۆسكيي كەنتٸنٸڭ اۋدانىندا» - دەدٸ ديرەكتسييا. ديرەكتسييا جوعالىپ كەتكەن ان-26 ۇشاعىنىڭ بولشەحەحتسيرسكيي قورىعىندا «جولدان 3 كم قاشىقتىقتا كورفوۆسكيي اۋدانىنداعى تاۋدىڭ ەتەگٸندە» قۇلاعانىن ناقتىلادى.
قازٸرگٸ ۋاقىتتا سول جەرگە بارۋ مەسەلەلەرٸ شەشٸلۋدە. ۇشاق تجم تٸكۇشاعىمەن اينالىپ ۇشۋ كەزٸندە تابىلدى, بورتتا قورىق ديرەكتسيياسىنىڭ قىزمەتكەرلەرٸ بولعان.
بولشەحەحتسيرسكيي قورىقشاسى حاباروۆسك ايماعىنان وڭتٷستٸككە قاراي 15-20 كم جەردە, ٷلكەن حەحتسير جوتاسىنىڭ شەگٸندە ورنالاسقان. ونىڭ اۋدانى – 45 مىڭ گا. كورفوۆسكيي ەلدٸ مەكەنٸنٸڭ ەكٸمشٸلٸگٸ حاباروۆسكٸدەن وڭتٷستٸككە قاراي 12 كم جەردە, ٷلكەن حەحتسير مەن كٸشٸ حەحتسير جوتالارى اراسىنداعى ويپاتتا قاجەت بولعان جاعدايدا ەرٸكتٸلەردٸ جۇمىلدىرۋعا جەنە قاجەتتٸ قۇرال-جابدىقتارمەن قامتاماسىز ەتۋگە دايىن ەكەندٸكتەرٸن ايتتى. ەكٸمشٸلٸك قىزمەتكەرلەرٸ تٶتەنشە جاعدايدىڭ كۋەگەرلەرٸن تابۋ ٷشٸن ادامدار اراسىندا سۇراۋ جٷرگٸزدٸ, بٸراق كۋەگەرلەر بولماعان.
