Reseidiń Habarovsk aimaǵynda joǵalyp ketken AN-26 ushaǵynyń synyqtary tabyldy, dep habarlaidy QazAqparat TASS agenttigine silteme jasap.
«Ushaq synyqtary izdeý jumystary júrgizilip jatqan jerden tabyldy», - dedi agenttik.
Habarovsk ólkesiniń «Zapovednoe Priamýre» memlekettik tabiǵi qoryqtary men ulttyq saiabaqtarynyń birikken direktsiiasy TASS-qa An-26 synyqtarynyń tabylǵany týraly aqparatty rastady.
«Ushaqtyń qulaǵan jeri tabyldy. Ol – Korfovskii kentiniń aýdanynda» - dedi direktsiia. Direktsiia joǵalyp ketken An-26 ushaǵynyń Bolshehehtsirskii qoryǵynda «joldan 3 km qashyqtyqta Korfovskii aýdanyndaǵy taýdyń eteginde» qulaǵanyn naqtylady.
Qazirgi ýaqytta sol jerge barý máseleleri sheshilýde. Ushaq TJM tikushaǵymen ainalyp ushý kezinde tabyldy, bortta qoryq direktsiiasynyń qyzmetkerleri bolǵan.
Bolshehehtsirskii qoryqshasy Habarovsk aimaǵynan ońtústikke qarai 15-20 km jerde, Úlken Hehtsir jotasynyń sheginde ornalasqan. Onyń aýdany – 45 myń ga. Korfovskii eldi mekeniniń ákimshiligi Habarovskiden ońtústikke qarai 12 km jerde, Úlken Hehtsir men Kishi Hehtsir jotalary arasyndaǵy oipatta qajet bolǵan jaǵdaida eriktilerdi jumyldyrýǵa jáne qajetti qural-jabdyqtarmen qamtamasyz etýge daiyn ekendikterin aitty. Ákimshilik qyzmetkerleri tótenshe jaǵdaidyń kýágerlerin tabý úshin adamdar arasynda suraý júrgizdi, biraq kýágerler bolmaǵan.
