رەسەي فەدەراتسيياسى قۇرامىنداعى قاراشاي-شەركەسييا رەسپۋبليكاسىنداعى دومباي تاۋ كۋرورتىندا شاڭعى جولىن قار كٶشكٸنٸ باسىپ قالدى, دەپ حابارلايدى تاسس اگەنتتٸگٸ.
تٶتەنشە جاعدايلار قىزمەتٸنٸڭ حابارلاۋىنشا, قار كٶشكٸنٸ كەمٸ 4-12 ادامعا دەيٸن باسىپ قالعان.
«دومباي كەنتٸنٸڭ مۋسسا-اچيتارا تاۋىندا شاڭعى جولىنا قار كٶشكٸنٸ تٷسٸپ, شاڭعى جابدىعىن جالعا بەرۋ پۋنكتٸ ورنالاسقان ەكٸ ۆاگون قار استىندا قالدى, سونداي-اق دەمحانا قيرادى. قازٸرگٸ اقپارات بويىنشا, كٶشكٸن تٷسكەن كەزدە 4 - تەن 12-گە دەيٸن ادام قار استىندا قالۋى ىقتيمال», - دەدٸ اقپارات كٶزٸ.
سونداي-اق وقيعا ورنىنان حابارلاۋشى قار كٶشكٸنٸ قولدان مەجبٷرلٸ جاسالعان بولۋى مٷمكٸن ەكەندٸگٸن ايتا كەتكەن.
