سەنبٸ, 10 تامىزدا مەسكەۋ, سانكت-پەتەربۋرگ, دونداعى روستوۆ, بريانسك قالالارىنداعى ەدٸل سايلاۋدى تالاپ ەتكەن اكتسييا كەزٸندە جالپى سانى 325 ادام ۇستالعان.
"وۆد-ينفو" قۇقىق قورعاۋ پورتالىنىڭ دەرەگٸنشە, مەسكەۋدە - 229, پەتەربۋرگتە - 81, دونداعى روستوۆتا - 13, بريانسكٸدە ەكٸ ادام ۇستالعان, دەپ جازادى ازاتتىق.
مەسكەۋدە رۇقسات ەتٸلگەن اكتسييا اكادەميك ساحاروۆ داڭعىلىندا ٶتتٸ. وعان "بەلىي سچەتچيك" دەرەگٸنشە, شامامەن 60 مىڭ ادام قاتىسقان. ال رەسەي ٸٸم ميتينگٸگە 20 مىڭ ادام كەلگەنٸن حابارلادى.
جينالعاندار تەۋەلسٸز كانديداتتاردى قالالىق دۋما سايلاۋىنا ٶتكٸزۋدٸ تالاپ ەتٸپ, بۇعان قوسا 27 شٸلدە كٷنگٸ اكتسييادان كەيٸن قوزعالعان قىلمىستىق ٸستٸ جابۋ قاجەتتٸگٸن ايتتى. شٸلدە ايىنىڭ سوڭعى سەنبٸسٸندە ٶتكەن اكتسييادان كەيٸن رەسەيدٸڭ تەرگەۋ كوميتەتٸ "جاپپاي تەرتٸپسٸزدٸك ۇيىمداستىرۋ" ٸسٸ بويىنشا ٸس قوزعاپ, 14 ادامعا ايىپ تاققان ەدٸ.
10 تامىز كٷنگٸ ميتينگٸدەن كەيٸن شەرۋشٸلەردٸڭ بٸر بٶلٸگٸ "كيتاي-گورود" مەترو ستانتسيياسىنا باعىت العان. وندا پوليتسييا شەرۋشٸلەردٸ ۇستاي باستاعان.
پەتەربۋرگتە دە مەسكەۋلٸك شەرۋشٸلەردٸ قولداعان رۇقسات ەتٸلمەگەن اكتسييا ٶتتٸ. وعان قاتىسۋشىلار بيلٸكتەن جيىن ٶتكٸزۋگە رۇقسات سۇراۋدى قاجەت ەتپەيتٸن بٸر ادامدىق پيكەت ٶتكٸزەتٸنٸن ايتقان.
مەسكەۋ قالالىق دۋما سايلاۋى 8 قىركٷيەكتە ٶتەدٸ.
