رەسەيدٸڭ ريازان وبلىسىنا قاراستى قاسىموۆ قالاسىندا جوشى ۇلىسىنان شىققان وراز-مۇحاممەد سۇلتانعا مەموريالدىق تاقتا ورناتىلدى, دەپ حابارلايدى "ۇلت اقپارات" رەسەيدەگٸ قازاقستان ەلشٸلٸگٸنٸڭ باسپاسٶز قىزمەتٸنە سٸلتەمە جاساپ.
قاسىم حاندىعىن باسقارعان وراز-مۇحاممەد سۇلتانعا ەسكەرتكٸش تاقتانى ورناتۋ يدەياسىنىڭ اۆتورى – رەسەي فەدەراتسيياسىنداعى قازاقستان رەسپۋبليكاسىنىڭ تٶتەنشە جەنە ٶكٸلەتتٸ ەلشٸسٸ يمانعالي تاسماعامبەتوۆ. ەستەلٸك بەلگٸ وراز-مۇحاممەد جەرلەنگەن ەسكٸ تاتار زيراتىندا, رەسەيدٸڭ مەدەني مۇرالار نىسانىنا ەنگەن اۋعان-مۇحاممەد سۇلتاننىڭ كەسەنەسٸنە جاقىن جەردە ورناتىلدى.
«سٶز جوق, بۇل – بٸر تۇلعاعا عانا ەمەس, تۇتاس بٸر دەۋٸرگە, سوناۋ الاساپىران دەۋٸردەگٸ قازاق سۇلتاندىعىنىڭ رەسەيدەگٸ تاريحي ٸزٸنە, ەكٸ حالىقتىڭ اراسىنداعى دوستىق پەن ىنتىماقتىڭ, بٸرلٸك پەن تٸرلٸكتٸڭ ٶزٸنە قويىلعان ەسكەرتكٸش دەپ بٸلەمٸن. سول سەبەپتٸ, وراز-مۇحاممەدتٸڭ ەسٸمٸ بٷگٸنگٸ ۇرپاق ساناسىندا ورىس-قازاق دوستىعىنىڭ سيمۆولى ەرٸ ەكٸ ەل اراسىنداعى ديپلوماتييالىق الىس-بەرٸستٸڭ قارلىعاشى رەتٸندە مەڭگٸ ساقتالادى», - دەدٸ سالتاناتتى شارا بارىسىندا ەلشٸ يمانعالي تاسماعامبەتوۆ.
ول سونداي-اق باستاماعا قولداۋ كٶرسەتكەن ريازان وبلىسىنىڭ ەكٸمشٸلٸگٸ مەن ديپلوماتييالىق ٶكٸلدٸگٸنە العىس بٸلدٸردٸ.
مەموريالدىق تاقتانى جاساۋ ٷشٸن تابيعي قوڭىر تٷستٸ گرانيت پايدالانىلعان. ەسكەرتكٸشتٸڭ بيٸكتٸگٸ ٷش مەتر. تٶبەسٸنە دوعال كٷمبەز ورناتىلعان. ەستەلٸك تاقتاعا «وراز-مۇحاممەد وندانۇلى, 1573-1610. قازاق سۇلتانى, قاسىم حاندىعىن بيلەۋشٸ», دەپ جازىلعان.
ەسكە سالا كەتەيٸك, وراز-مۇحاممەد سۇلتان قازاق حاندىعىنىڭ نەگٸزٸن قالاعان جەنٸبەك حاننىڭ تٸكەلەي ۇرپاعى, تەۋەكەل حاننىڭ ٸنٸسٸ وندان سۇلتاننىڭ ۇلى. ول ٶز زامانىندا ورىس پاتشاسىنا باعىنىشتى ايماقتا حاندىقتى بيلەپ, قازاق سۇلتاندارىنىڭ اراسىندا شەت ەلدە ٷلكەن ابىرويعا يە بولعان ەيگٸلٸ تاريحي تۇلعانىڭ بٸرٸ.
وراز-مۇحاممەدتٸڭ ەرلٸگٸ مەن ٶمٸرٸ تۋرالى كٶپتەگەن دەرەكتەردٸ جات جەردە سۇلتاننىڭ سەنٸمدٸ سەرٸگٸنە اينالعان شەجٸرەسٸ قادىرعالي جالايري جازىپ قالدىرعان. جازۋشى مۇحتار ماعاۋيننٸڭ «الاساپىران» اتتى تاريحي رومانىندا قازاق سۇلتانىنىڭ قايراتكەرلٸگٸ, پاراساتتىلىعى مەن قاھارماندىق كەلبەتٸ شەبەر سۋرەتتەلەدٸ.
