رەسەي ٶڭٸرلەرٸندە كوروناۆيرۋس ينفەكتسيياسىنا قارسى قايتا ۆاكتسينالاۋ, سونىمەن قاتار COVID-19-بەن اۋىرىپ شىققاندارعا ەكپە سالۋ باستالدى. بۇل تۋرالى رف دەنساۋلىق ساقتاۋ مينيسترلٸگٸنٸڭ باسپاسٶز قىزمەتٸ جۋرناليستەرگە سەرسەنبٸ كٷنٸ مەلٸمدەگەن, دەپ حابارلايدى "ۇلت اقپارات" تاسس اگەنتتٸگٸنە سٸلتەمە جاساپ.
«رەسەيدٸڭ دەنساۋلىق ساقتاۋ مينيسترلٸگٸ «COVID-19-عا قارسى ەرەسەكتەردٸ ۆاكتسينالاۋدى جٷرگٸزۋ تەرتٸبٸ» ۋاقىتشا ەدٸستەمەلٸك ۇسىنىمدارىن بەكٸتتٸ. ٶڭٸرلەردە رەۆاكتسيناتسييا جەنە اۋىرىپ شىققاندارعا ەكپە سالۋ باستالدى», - دەلٸنگەن حابارلامادا.
ۇسىنىمدارعا سەيكەس, ازاماتتار ەلدە تٸركەلگەن كەز كەلگەن ۆاكتسينالىق پرەپاراتتى ەكتٸرە الادى. دەگەنمەن بٸرٸنشٸ دوزانى سالدىرعاننان كەيٸن ناۋقاستا جاعىمسىز ەسەرلەر پايدا بولسا, ونىڭ قالاۋىمەن, قارسىلىقتار بولماعان جاعدايدا, ۆاكتسينانى الماستىرۋعا مٷمكٸندٸك بەرٸلەدٸ.
اتاپ ٶتٸلگەندەي, رف-دا ۇجىمدىق يممۋنيتەت كەرەكتٸ دەڭگەيدە قالىپتاسپايىنشا, قايتا ۆاكتسينالاۋ نەمەسە اۋىرىپ شىققاننان كەيٸن جارتى جىل ٶتكەن سوڭ ەكپە سالۋعا كەڭەس بەرٸلەدٸ. بۇل كەزەڭ «شۇعىل ۆاكتسينالاۋ» دەپ اتالادى. ۇجىمدىق يممۋنيتەتتٸڭ ماقساتتى دەڭگەيٸنە جەتكەننەن كەيٸن «قالىپتى ۆاكتسينالاۋعا» كٶشۋ جٷزەگە اسپاق. ول جوسپارلى تٷردە جازىلىپ شىققاننان نەمەسە قايتا ۆاكتسينالاۋدان كەيٸن 12 اي ٶتە ەگۋدٸ كٶزدەيدٸ.
