رەسەيدٸڭ مەملەكەتتٸك دۋماسى كارانتين رەجيمٸن بۇزعاندار مەن كوروناۆيرۋس تۋرالى جالعان اقپارات تاراتقاندارعا جازانى كٷشەيتۋدٸ قاراستىراتىن زاڭ جوباسىن قابىلدادى. قۇجاتتا كارانتين رەجيمٸن بۇزعاندارعا ەڭ ٷلكەن جازا - 7 جىلعا دەيٸن, جالعان اقپارات تاراتقاندارعا بەس جىلعا باس بوستاندىعىنان ايىرۋ جازاسى قاراستىرىلعان.
زاڭبۇزۋشىلىقتان ادامدار قايتىس بولعان جاعدايدا ەڭ ٷلكەن جازا قولدانىلادى. ادام ٶلٸمٸ بولماعان "قىلمىس فاكتٸلەرٸ" بويىنشا ايىپتالۋشىلارعا 700 مىڭ رۋبلگە دەيٸن ايىپپۇل سالىنۋى مٷمكٸن نەمەسە ەكٸ جىلعا دەيٸن باس بوستاندىعىنان ايرىلۋى مٷمكٸن.
زاڭعا سەيكەس, ەكٸمشٸلٸك كودەكسكە بٸرقاتار ٶزگەرٸستەر ەنگٸزٸلەدٸ. قۇجات تٶتەنشە جاعداي مينيسترلٸگٸ قىزمەتكەرلەرٸنە كارانتين رەجيمٸن بۇزۋ بويىنشا حاتتاما تولتىرۋعا رۇقسات بەرەدٸ, وعان سەيكەس جاۋاپكەرلەر 150 مىڭ رۋبلگە دەيٸن ايىپپۇل تٶلەتٸ مٷمكٸن.
سوڭعى دەرەك بويىنشا, رەسەيدە ۆيرۋستى جۇقتىرعاندار سانى ەكٸ مىڭنان استى. سوڭعى تەۋلٸكتە 500 ادامنان كوروناۆيرۋس تابىلعان. ولاردىڭ باسىم بٶلٸگٸ مەسكەۋدە (387) تٸركەلگەن. سانكت-پەتەربۋرگتە 48 ادامنان كوروناۆيرۋس تابىلعان. كوروناۆيرۋس ينفەكتسيياسى رەسەيدٸڭ 70-تەن استام ايماعىنان تابىلعان. ەپيدەمييا باستالعان ۋاقىتتان بەرٸ 17 ادام كٶز جۇمعان. 121 ادام ايىققان.
