سولتٷستٸك قازاقستان وبلىسىنىڭ پوليتسەيلەرٸ «ٸزدەستٸرۋ» رەسپۋبليكالىق جەدەل-الدىن الۋ ٸس-شاراسىنىڭ ەكٸ كٷنٸندە ٸزدەۋدە جٷرگەن بەس قىلمىسكەردٸ تاپتى, دەپ حابارلايدى قازاقپارات.
سقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, رەسەي پوليتسەيلەرٸ الاياقتىق جاساعانى ٷشٸن 55 جاستاعى ەيەلگە ٸزدەۋ جارييالاعان. يۆانوۆسك وبلىسىنىڭ پوليتسييا قىزمەتكەرلەرٸ ونى 2016 جىلدان بەرٸ تابا الماي كەلگەن. پەتروپاۆلدىڭ جەدەل ۋەكٸلدەرٸ ەيەلدٸڭ وبلىس ورتالىعىندا جٷرگەن جەرٸن انىقتادى.
ال قىزىلجار اۋدانىنىڭ تەرتٸپ ساقشىلارى 38 جاستاعى قاراعاندى وبلىسىنىڭ تۇرعىنىن تۇراقتى مەكەنجايى جوق ادامداردىڭ اراسىنان تاپتى. ەر ادامدى رەسەيدٸڭ ۆولجسك قالاسىنداعى تۋىستارى ٸزدەستٸرگەن. ايتۋلارىنشا, قىركٷيەك ايىنىڭ باسىندا ول رەسەيگە تۋىستارىنا قوناققا كەلۋٸ كەرەك بولعان, الايدا بارار جەرٸنە جەتپەگەن. مازاسىزدانعان تۋعاندارى پوليتسيياعا ارىزدانعان. سولتٷستٸكقازاقستاندىق پوليتسەيلەر ٸزدەۋدە جٷرگەن ەر ادامدى تاۋىپ, شەتەلدەگٸ تۋىستارىنا تەلەفون ارقىلى حابارلاسۋعا مٷمكٸندٸك بەردٸ. جاقىن كٷندەرٸ ول ٷيٸنە قايتۋعا ۋەدە ەتتٸ.
پوليتسەيلەر «ٸزدەستٸرۋ» رەسپۋبليكالىق جەدەل-پروفيلاكتيكالىق ٸس-شاراسى اياسىندا جۇمىس ٸستەدٸ. ەكٸ كٷننٸڭ ٸشٸندە سولتٷستٸكقازاقستاندىق جەدەل ۋەكٸلدەر بەس قىلمىسكەردٸ ٸزدەپ تاپتى.
«ٶتكٸزٸلٸپ جاتقان اكتسييا بارىسىندا ٸزدەۋدەگٸ قىلمىسكەرلەردٸ انىقتاۋ بويىنشا جۇمىس جانداندىرىلدى. تمد ەلدەرٸندەگٸ ەرٸپتەستەرٸمٸزبەن تىعىز قارىم-قاتىناستا جۇمىس ٸستەيمٸز. مۇنداي ىنتىماقتاستىقتىڭ جەدەل ٸس-شارالاردى ٶتكٸزۋدە تيٸمدٸلٸگٸ زور», - دەيدٸ سقو پد باستىعىنىڭ ورىنباسارى رۋسلان نازاروۆ.
