رەسەي مونوپولييامەن كٷرەس فەدەرالدىق قىزمەتٸ (فاس) Apple كورپوراتسيياسىنا ايفون قولدانۋشىلارىنىڭ جەكە اقپاراتىن جيناۋعا مٷمكٸندٸك بەرەتٸن قوسىمشاعا تىيىم سالعانى ٷشٸن 906 ملن رۋبل (12 ميلليون دوللاردان استام) كٶلەمٸندە ايىپپۇل سالدى. ۆەدومستۆو ٶكٸلدەرٸ كورپوراتسييانى تەلەفون قوسىمشاسى نارىعىندا مونوپولييا جاساپ الدى دەپ ايىپتادى.
شاعىمدى كومپيۋتەرلەرگە انتيۆيرۋس باعدارلامالارى مەن قورعانىش قۇرالدارىن ورناتاتىن "كاسپەرسكيي زەرتحاناسى" كومپانيياسى تٷسٸرگەن. كومپانييا ٶكٸلدەرٸنٸڭ ايتۋىنشا, Apple ولاردان اتا-انا باقىلاۋى تۋرالى قوسىمشانىڭ فۋنكتسيونالدارىن قىسقارتۋدى تالاپ ەتكەن. بۇل اتا-انالارعا بالالاردىڭ جٷرگەن جەرٸن, قۇرىلعىنى قانشا ساعات پايدالاناتىنىن, قانداي قوسىمشانى كٶرەتٸنٸن باقىلاۋعا مٷمكٸندٸك بەرەدٸ.
2019 جىلى سەۋٸر ايىندا Apple مۇنداي باعدارلامالىق جابدىقتار قولدانۋشىلاردىڭ قاۋٸپسٸزدٸگٸنە قاۋٸپ تٶندٸرگەندٸكتەن شەكتەۋ قوياتىنىن مەلٸمدەگەن. مۇنداي باعدارلامالار ٸس جٷزٸندە بٶگدە ٷشٸنشٸ تاراپقا قۇرىلعىعا كٸرۋگە مٷمكٸندٸك بەرەدٸ.
"بالالارىنىڭ قاۋٸپسٸزدٸگٸنە الاڭداعان اتا-انالار جەكە دەرەك پەن قاۋٸپسٸزدٸك مەسەلەلەسٸنە كەلگەندە مەمٸلەگە بارماۋى تيٸس. سٸزدەن باسقا ەشكٸم بالاڭىزدىڭ قۇرىلعىسىنا كٸرە الماۋى تيٸس" دەگەن ەدٸ كورپوراتسييا ٶكٸلدەرٸ.
2019 جىلى تامىز ايىندا رەسەي مونوپولييامەن كٷرەس فەدەرالدىق قىزمەتٸ Apple-عا "زاڭبۇزۋشىلىقتى جويۋ" تۋرالى نۇسقاۋلىق بەرگەن. فاس كورپوراتسييادان بٶگدە مامانداردىڭ قوسىمشاسىن ەنگٸزۋگە تىيىم سالاتىن ەرەجەنٸ الىپ تاستاۋدى تالاپ ەتكەن.
بۇعان قوسا, كورپوراتسييادان اتا-انا باقىلاۋى تۋرالى قوسىمشا يەلەرٸنە ماڭىزدى فۋنكتسيونالدى ٶشٸرۋ تۋرالى تالاپ قويماي, ٶنٸمدەرٸن تاراتۋدى تالاپ ەتكەن. بۇل نۇسقاۋلىق سوتتا قارالدى جەنە سوت اياقتالعانعا دەيٸن نۇسقاۋلىق كٷشٸ توقتاتىلعان.
