قازاقستاندىق ەنشٸ ديماش قۇدايبەرگەن سوچيدەگٸ «نوۆايا ۆولنا» جاس ەنشٸلەردٸڭ حالىقارالىق بايقاۋىندا العاش رەت ەن شىرقادى, دەپ حابارلايدى "ۇلت اقپارات".
ديماش بايقاۋدىڭ العاشقى كٷنٸ A'Studio توبىنىڭ شىعارماشىلىق كەشٸندە ٶنەر كٶرسەتتٸ. وعان رەسەي ەستراداسىنىڭ جۇلدىزدارى, قازاقستاندىق ەنشٸلەر - The Jigits توبى مەن رەپپەر Jah Khalib تە قاتىستى. ديماش A'Studio-نىڭ «گرەشنايا ستراست» كومپوزيتسيياسىن ورىس تٸلٸندە ورىنداپ, جينالعانداردىڭ قوشەمەتٸنە بٶلەندٸ.
ەننٸڭ سوڭىندا زال دۋ قول شاپالاق سوعىپ, گٷل شوقتارىن سىيلاۋ ٷشٸن ساحناعا ۇمتىلدى. ٶز كەزەگٸندە ديماش ولارعا العىس بٸلدٸرٸپ, قازاقستانعا شاقىردى.
بۇدان بۇرىن حابارلاعانىمىزداي, ديماش قۇدايبەرگەن رەسەيدە ٶتٸپ جاتقان "جاس تولقىن" بايقاۋىنا ارنايى شاقىرتۋمەن كەلدٸ. الايدا قاتىسۋشى رەتٸندە ەمەس, قۇرمەتتٸ قوناق رەتٸندە قاتىستى.
"جاس تولقىن" بايقاۋىنىڭ قوناعى بولىپ, رەسەيگە تابان تٸرەدٸك. بايقاۋ باستالدى. ەندٸ بايقاۋدىڭ جابىلۋ سالتاناتىندا ٶنەر كٶرسەتەمٸن. بارشا كٶرەرمەنگە ٷلكەن راحمەت. سوچيگە كەلگەلٸ ەۋەجايدا تاماشا كونتسەرت قويىپ, دەم-تۇزبەن كٷتٸپ العان كٶرەرمەندەرٸمنەن اينالدىم. قۇرمەتتەرٸڭٸزگە ٷلكەن العىس", — دەدٸ ەنشٸ.
ديماشتىڭ ٶنەرٸنە تەنتٸ بولعان بەلگٸلٸ كومپوزيتور يگور كرۋتوي مەن ەنشٸ اني لوراك, زالداعى كٶرەرمەندەر ورىندارىنان تۇرىپ قوشەمەت كٶرسەتتٸ. ال فاناتتارى ديماشتىڭ قۇشاعىن گٷلگە تولتىردى. بۇل جولى دا جٷرگٸزۋشٸ "نيكولاي باسكوۆ مۇنى كٶرسە, جٷرەك تالماسى ۇستاپ قالا ما دەپ قورقامىن" دەپ ەزٸلدەدٸ.
رەسەيلٸك تانىمال ەنشٸ فيليپپ كيركوروۆ تا ديماش قۇدايبەرگەننٸڭ تالانتىن ەرەكشە باعالاعان. بۇل تۋرالى "مۋز-تۆ" تەلەارناسىنىڭ باس ديرەكتورى ارمان دەۋلەتيياروۆ ينستاگرامداعى پاراقشاسىندا جازدى. ونىڭ جازباسىنىڭ استىنا پٸكٸر قالدىرعان بەلگٸلٸ رەسەيلٸك ەنشٸ نيكولاي باسكوۆ "كەرەمەت!" دەپ تامسانعان.
"بٷگٸن "جاس تولقىن" بايقاۋىندا ەيتەۋٸر دەگەندە ديماش قۇدايبەرگەنمەن تانىستىم. بۇل جٸگٸت ٶتە تالانتتى جەنە قازاقستان مەن قىتايدا ەرەكشە تانىمالدىلىققا يە! بٷگٸن "ا-studio"ەنٸمەن رەسەيلٸك تىڭدارمانداردى تاڭ-تاماشا ەتكەن جايى بار. تٸپتٸ, ەسترادا كورولٸ كيركوروۆتىڭ ٶزٸ ديماشتىڭ تابىستىلىعىن لايىق دەڭگەيدە باعالادى", — دەدٸ ول.
ايتا كەتەيٸك, «نوۆايا ۆولنا» بايقاۋى 2002 جىلدان بەرٸ ٶتكٸزٸلەدٸ. ونىڭ نەگٸزٸن قالاۋشىلار - كومپوزيتورلار يگور كرۋتوي جەنە رايموند پاۋلس. تانىمال ەنشٸ اللا پۋگاچەۆا بايقاۋ قاتىسۋشىلارىنىڭ مۋزاسى, ول 2005 جىلدان 2014 جىلعا دەيٸن ٶزٸنٸڭ «زولوتايا زۆەزدا اللى» سىيلىعىن تابىس ەتٸپ كەلگەن بولاتىن. ونىڭ سىيلىعىن قاتارىنان ەكٸ رەت العان جالعىز قاتىسۋشى - قازاقستاننىڭ «Rin'Go» توبى (2007 جەنە 2011 جىلدارى).
«نوۆايا ۆولنا-2018» بايقاۋىندا قازاقستان اتىنان استانالىق مادييار جٷنٸسوۆ (ساحنادا - Mad June) قاتىسىپ جاتىر.
