مامىر ايىندا رەسەيگە ٷندٸستاننان كەلگەن ۋليانوۆ مەملەكەتتٸك ۋنيۆەرسيتەتٸنٸڭ 16 ستۋدەنتٸنەن كوروناۆيرۋستىڭ ٷندٸستاندىق شتامى (B.1.617) انىقتالدى. بۇل تۋرالى روسپوترەبنادزوردىڭ ۋليانوۆ وبلىسى بويىنشا باسقارماسىنا سٷيەنگەن "كوممەرسانت" باسىلىمى جازدى.
"ستۋدەنتتەر وقشاۋلاندى, ولار ۋلياندىقتارمەن سٶيلەسٸپ تە ٷلگەرمەگەن. ولاردى جەتكٸزگەن ەكٸ جٷرگٸزۋشٸ باقىلاۋعا الىندى. ستۋدەنتتەرگە 14 كٷن بويى كٶپپەن ارالاسۋعا تىيىم سالىنعان. وڭاشا تاماقتانىپ جاتىر. ەرقايسىسىنا مەديتسينالىق قىزمەتكەر بەكٸتٸلگەن, كٷنٸنە ەكٸ رەت دەنە قىزۋى ٶلشەنەدٸ. حوستەل جۇمىسشىلارى ولاردىڭ كٸر-قوڭىن جۋىپ, بٶلمەلەرٸن تازالاپ, قىزمەت كٶرسەتەدٸ" دەدٸ روسپوترەبنادزوردىڭ بٶلٸم جەتەكشٸسٸ ديليارا حاكيموۆا.
ستۋدەنتتەرمەن ارالاسقان – شامامەن 120 ادام دا ەكٸ اپتاعا وقشاۋلانعان, ولار قاشىقتان وقيدى. جوعارى وقۋ ورنىندا سانيتارلىق-ەپيدەميولوگييالىق شارالارى كٷشەيدٸ دەپ جازدى "فارمۆەستنيك".
حاكيموۆانىڭ پٸكٸرٸنشە, ۆيرۋس تارالماس ٷشٸن قاجەتتٸ بارلىق شارا جاسالعان. فەدەرالدىق باسشىلىققا دا ٷندٸستاندىق شتامم جايلى اقپارات جٸبەرٸلگەن.
ايماق ٷكٸمەتٸ ٷندٸستاندىق شتامنىڭ انىقتالۋىنا بايلانىستى قوسىمشا پروفيلاكتيكالىق شارالار قابىلدانبايتىنىن ايتتى.
"روسپوترەبنادزور قابىلدانعان شارالار ەزٸرگە جەتكٸلٸكتٸ دەپ سانايدى. قاجەت جاعدايدا بيلٸك قوسىمشا شارا قولدانادى" دەدٸ گۋبەرناتوردىڭ ورىنباسارى الەكساندر كوستوماروۆ.
- كوروناۆيرۋستىڭ ٷندٸستاندىق شتامى SARS-CoV-2 ۆيرۋسىنىڭ تٶرتٸنشٸ نۇسقاسى. دٷنيەجٷزٸلٸك دەنساۋلىق ساقتاۋ ۇيىمى ونى عالامدىق دەڭگەيدە الاڭداۋشىلىق تۋدىراتىن شتامدار تٸزٸمٸنە ەنگٸزگەن. بۇل تٸزٸمگە ۆيرۋستىڭ تەز جۇعاتىن, اۋرۋدى اسقىندىرىپ جٸبەرەتٸن جەنە ۆاكتسينا مەن دەرٸ-دەرمەككە بوي بەرمەيتٸن تٷرلەرٸ ەنگەن.
