سۋرەت: korrespondent.net
رەسەي ەسكەرٸ 16 اقپانعا قاراعان تٷنٸ ۋكرايناعا زىمىرانمەن جاپپاي شابۋىل جاسادى, دەپ جازادى ازاتتىق راديوسى.
ۋكراينا ەسكەري-ەۋە كٷشتەرٸنٸڭ حابارلاۋىنشا, رەسەي ۇشاقتارى مەن كەمەلەرٸ 32 قاناتتى زىمىران جٸبەرگەن, ونىڭ 14-ٸ اتىپ تٷسٸرٸلگەن.
"ح-22 قاناتتى زىمىراندارىنىڭ بٸر بٶلٸگٸ نىساناعا جەتٸپ, ماڭىزدى ينفراقۇرىلىم نىساندارىن قيراتتى. قازٸر راكەتانىڭ بۇل تٷرٸن جويا الاتىن قارۋ جوق" دەپ جازىلعان حابارلامادا.
"سوققى سالدارىنان دنەپروپەتروۆسك وبلىسىنىڭ پاۆلوگراد قالاسىندا 79 جاستاعى ەيەل قازا بولدى" دەپ مەلٸمدەدٸ جەرگٸلٸكتٸ بيلٸك. جەتٸ ادام جارالانعان, ەكەۋٸ اۋرۋحاناعا جاتقىزىلعان. بٸرنەشە تۇرعىن ٷي قيراعان, ٶنەركەسٸپ ورنى بٷلٸنگەن.
"پاۆلوگرادتا تٷندە سۇمدىق بولدى. تٷنگٸ ساعات 3-تە جۇرت شىرت ۇيقىدا جاتقان شاقتا جاۋ زىمىرانمەن قالاعا سوققى جاسادى" دەلٸنگەن دنەپروپەتروۆسك وبلىسى ەكٸمشٸلٸگٸنٸڭ جەتەكشٸسٸ سەرگەي لىساكتىڭ حابارلاماسىندا.
سونىمەن قاتار پولتاۆا, لۆوۆ جەنە كيروۆوگراد وبلىسىنا سوققى جاسالعانى دا حابارلاندى. لۆوۆ وبلىسىنىڭ بيلٸگٸ ينفراقۇرىلىم نىساندارى قيراعانىن راستاپ وتىر.
ۋكراينا پرەزيدەنتٸ كەڭسەسٸنٸڭ جەتەكشٸسٸ اندرەي ەرماك رەسەي بارلاۋ جٷرگٸزٸپ, جالعان نىسانالاردى پايدالانىپ, راكەتا شابۋىلىن جاساۋ تاكتيكاسىن ٶزگەرتٸپ جاتىر دەدٸ.
رەسەي قورعانىس مينيسترلٸگٸ وقيعاعا تٷسٸنٸكتەمە بەرگەن جوق.
بۇعان دەيٸن ۋكرايناعا ٸرٸ راكەتا شابۋىلى 10 اقپاندا جاسالعان. سول كەزدە ۋكراينا قارۋلى كٷشتەرٸ رەسەي ەسكەرٸ بٸر كٷندە 106 راكەتا جاۋدىردى دەپ مەلٸمدەگەن.
مەسكەۋ تاعايىنداعان گۋبەرناتور 16 اقپاندا رەسەي اننەكسييالاپ العان سەۆاستوپولدە بٸرنەشە ۋكراين درونى اتىپ تٷسٸرٸلگەنٸن ايتتى. ۋكراين جاعى دا اقپاراتقا تٷسٸنٸكتەمە بەرمەدٸ.
