رەسەي سوڭعى جٷز جىلدا العاش رەت سىرتقى قارىزى بويىنشا دەفولتقا ۇشىرادى, دەپ حابارلايدى قازاقپارات BBC News-كە سٸلتەمە جاساپ.
27 مامىردا 100 ميلليون دوللار كٶلەمٸندە پروتسەنت تٶلەمٸ تٶلەنۋٸ كەرەك ەدٸ. رەسەي تاراپى اقشا بەلگييانىڭ «Euroclear» قارجى قىزمەتتەرٸ كومپانيياسىنا جٸبەرٸلدٸ دەپ مەلٸمدەدٸ. سودان كەيٸن ول تٶلەم ينۆەستورلار اراسىندا بٶلٸنۋٸ تيٸس بولاتىن.
بۇل تٶلەم بۇعاتتالىپ, كرەديتورلار ديۆيدەندتەرٸن الماعان. اقشا تٶلەم جاسالعان كٷننەن باستاپ 30 كٷن ٸشٸندە تٷسۋٸ كەرەك ەدٸ, سوندىقتان بۇل دەفولت دەپ سانالادى. «Euroclear» بارلىق سانكتسييالاردى ۇستاناتىنىن اتاپ ٶتتٸ.
رەسەي ٷكٸمەتٸ ٶز تٶلەمدەرٸن ۋاقىتىندا جاساعىسى كەلەتٸنٸن مەلٸمدەدٸ. 40 ملرد دوللارعا جۋىق رەسەي قارىزى دوللارمەن نەمەسە ەۋرومەن بەلگٸلەنگەن, ونىڭ جارتىسى ەلدەن تىسقارى جەردە.
ٶز كەزەگٸندە كرەمل 23 ماۋسىمدا قارىز بويىنشا بارلىق تٶلەمدەر شارتتا دوللارمەن نەمەسە باسقا دا حالىقارالىق ۆاليۋتامەن كٶرسەتٸلسە دە, رەسەي بانكٸ ارقىلى رۋبلمەن جٷرگٸزٸلەتٸنٸ تۋرالى بۇيرىق شىعارعان.
بۇل دەفولت - رەسەي ٷشٸن قاعاز جٷزٸندەگٸ سوققى. دەفولت جارييالاعان ەلدەرگە ەدەتتە قارىز بەرٸلمەيدٸ, دەگەنمەن رەسەيگە سانكتسييالارعا بايلانىستى باتىس نارىعىندا ونسىز دا قارىز بەرۋگە تىيىم سالىنعان.
رەسەي سوڭعى رەت سىرتقى قارىزى بويىنشا دەفولتتى 1918 جىلى جارييالادى. ول كەزدە كوممۋنيستەردٸڭ كٶشباسشىسى لەنين بولشەۆيكتەر رەۆوليۋتسيياسى كەزٸندە رەسەي يمپەريياسىنىڭ قارىزىن تٶلەۋدەن باس تارتقان بولاتىن.
