رەسەي ٷكٸمەتٸ ەلگە شەتەل جۇمىسشىلارىن الدىرۋ جٶنٸندەگٸ پيلوتتىق جوبانى ماقۇلدادى. جوبا اياسىندا ٶزبەكستاننان 10 مىڭ قۇرىلىسشى ەكەلٸنبەك. بۇل تۋرالى رەسەي باسىلىمدارى حابارلادى.
قۇقىقتىق اقپارات پورتالىندا ٶزبەكستاننان 10 مىڭ ميگرانت ەكەلۋ جوباسى سيپاتتالعان. وعان قاراعاندا, ٶزبەك قۇرىلىسشىلارىنا "سپۋتنيك لايت" ەكپەسٸن سالماق.
پيلوتتىق جوباعا قۇرىلىس, ەڭبەك, دەنساۋلىق, بٸلٸم, ٸشكٸ ٸستەر, تٶتەنشە جاعدايلار مينيسترلٸكتەرٸ جەنە روسپوترەبنادزور مەكەمەسٸ قاتىسپاق.
رەسەي قۇرىلىس مينيسترلٸگٸ ٶزبەك جۇمىسشىلارىن قاتارىنا الۋعا نيەتٸ بار مەكەمەلەردٸڭ تٸزٸمٸن جاسايتىنى حابارلانىپ وتىر.
"قاۋلىنى قابىلداۋ ٶزبەكستاننان 10 مىڭ ەڭبەك ميگرانتىن ەكەلۋ جٶنٸندە ناقتى قادامعا كٶشۋگە مٷمكٸندٸك بەرٸپ وتىر" دەدٸ مينيستر ورىنباسارى نيكيتا ستاسيشين سانيتارلىق-ەپيدەمييالىق تالاپتاردىڭ ساقتالاتىنىن ەسكەرتٸپ.
وسىنىڭ الدىندا "كوممەرسانت" باسىلىمى ٶزبەك ميگرانتتارىن "ٸرٸ ينفراقۇرىلىم وبەكتٸلەرٸنٸڭ" قۇرىلىسىنا تارتاتىنىن حابارلاعان. ولاردىڭ اراسىندا "ۆوستوچنىي" كوسمودرومى دا بار. ٶزبەك جۇمىسشىلارىنا پاتەنت بەرٸلٸپ, وندا جۇمىس بەرۋشٸ مەكەمەنٸڭ اتى جازىلادى.
باسىلىمنىڭ جازۋىنشا, رەسەيدە جۇمىس كٷشٸ تاپشى بولىپ وتىر. قىركٷيەكتە مەسكەۋ ەكٸمشٸلٸگٸ 200 مىڭ جۇمىسشى جەتٸسپەي جاتقانىن ايتقان.
