رەسەي وپپوزيتسيونەرٸ الەكسەي ناۆالنىي قۇرعان جەمقورلىقپەن كٷرەس قورى زاڭدى تۇلعا رەتٸندە جويىلدى. بۇل قور رەسەيدە "شەتەل اگەنتٸ" جەنە "ەكسترەميستٸك ۇيىم" دەپ تانىلعان.
فەدەرالدى سالىق قىزمەتٸنٸڭ بٸرىڭعاي مەملەكەتتٸك رەەسترٸندەگٸ مەلٸمەتتەرگە قاراعاندا, ناۆالنىيدىڭ قورى 31 تامىزدا تٸزٸمنەن شىعىپ قالعان, دەپ جازادى ازاتتىق.
قوردىڭ بۇرىنعى ديرەكتورى يۆان جدانوۆ وسىدان كەيٸن رەسەي ەدٸلەت مينيسترٸ كونستانتين چۋيچەنكوعا حات جازىپ, بۇل قوردى "شەتەل اگەنتتەرٸ" تٸزٸمٸنەن دە الىپ تاستاۋدى ٶتٸنگەن.
قور بۇل رەەسترگە 2019 جىلى ەنگٸزٸلگەن. بيىل ماۋسىم ايىندا مەسكەۋ قالالىق سوتى قالا پروكۋراتۋراسىنىڭ شاعىمىنان كەيٸن ناۆالنىيدىڭ جەمقورلىقپەن كٷرەس قورىن, ازاماتتاردىڭ قۇقىعىن قورعاۋ قورىن (بۇل دا "شەتەل اگەنتٸ" ساناتىنا قوسىلعان) "ەكسترەميستٸك ۇيىم" دەپ تانىعان. وسى شەشٸمٸندە سوت بۇل ۇيىمداردىڭ جۇمىسى تەز ارادا توقتاتىلاتىنىن حابارلاعان.
پروكۋراتۋرا جەمقورلىقپەن كٷرەس قورىن "ليبەرال ۇراندار جامىلىپ, ەلەۋمەتتٸك جەنە ساياسي-قوعامدىق جاعدايدى ۋشىقتىرعىسى كەلەدٸ" دەپ ايىپتاعان" دەپ جازادى "مەديازونا".
حالىقارالىق Amnesty International قۇقىق قورعاۋ ۇيىمى مەن رەسەيدەگٸ "مەموريال" قۇقىق قورعاۋ ورتالىعى مەسكەۋ قالالىق سوتىنىڭ شەشٸمٸن ايىپتاعان. Amnesty International مۇنى ازاماتتاردىڭ بەلسەندٸلٸگٸنە جاسالعان شابۋىل دەپ اتاعان. قۇقىق قورعاۋشىلاردىڭ ايتۋىنشا, سوت شەشٸمٸ رەسەيدەگٸ مىڭداعان ادامنىڭ وي-پٸكٸرٸن ەركٸن بٸلدٸرٸپ, جيىن ٶتكٸزۋ قۇقىعىن شەكتەيدٸ.
