س-350 زەنيت كەشەنٸ
ۋكراينانىڭ ەسكەر, كونۆەرسييا جەنە قارۋسىزدانۋ ورتالىعى ديرەكتورىنىڭ ورىنباسارى ميحايل سامۋس رەسەيدٸڭ قىرىمعا س-350 زەنيت-زىمىران كەشەنٸن ەكۋدەگٸ ماقساتى ۋكراينانىڭ قارا تەڭٸزدەگٸ "نەپتۋن" زىمىران كەشەنٸنە نىسانا كٶرسەتٸپ تۇراتىن "بايراكتاردى" اتىپ تٷسٸرۋ دەپ سانايدى. ول بۇل جٶنٸندە كرىم.رەاليي-گە بەرگەن سۇقباتىندا ايتتى, دەپ حابارلايدى ازاتتىق.
- مەنٸڭ ويىمشا س-350 "بايراكتاردى" كٶرە الادى,"بايراكتار" دا, "اكينچي" ەكەۋٸ ۇشقىشسىز ۇشاتىن ٷلكەن اپپاراتتار. باتىس تەحنولوگيياسى پايدالانىلۋى مٷمكٸن بۇل جاڭا كەشەندٸ سول ٷشٸن جٸبەرٸپ وتىر, – دەيدٸ سامۋس.
الايدا, كەي ەسكەري ساراپشىلار "ۆيتيازدىڭ" مٷمكٸندٸگٸنە كٷمەندانادى. ولاردىڭ سٶزٸنشە, ەۋە كٷشتەرٸنە قارسى قارۋلاردىڭ, ەسٸرەسە رەسەي قارۋلارىنىڭ ەڭ ەلسٸز تۇسى - ەرەڭ بايقالاتىن نىسانالاردى انىقتاي المايتىنىندا. ال قازٸرگٸ دروندار بارىنشا بايقالمايتىنداي ەتٸپ جاسالعان.
"تٷرٸكتەردٸڭ "بايراكتارى" سەكٸلدٸ قازٸرگٸ زامانعى دروندار مەيلٸنشە كٶرٸنبەيدٸ. ولاردى اتىپ تٷسٸرۋ ٷشٸن راديولوكاتسييا ستانتسييالارى كٶرۋٸ كەرەك. ول ٶتە قيىن", – دەيدٸ رەسەيدٸڭ ەسكەري ساراپشىسى يۋريي فەدوروۆ كرىم.رەاليي-گە ايتقان پٸكٸرٸندە.
رەسەيدٸڭ وڭتٷستٸك ەسكەري وكرۋگٸنٸڭ قولباسشىسى الەكساندر دۆورنيكوۆ بيىل قاراشانىڭ باس كەزٸندە جاڭا بۋىنداعى س-350 زەنيت كەشەنٸ كٶپ ۇزاماي قىرىمعا جەتكٸزٸلەتٸنٸن حابارلاعان.
ونىڭ سٶزٸنشە, قازٸر قىرىم تٷبەگٸندەگٸ رەسەي ەسكەري ەۋە كٷشتەرٸ مەن ەسكەري ەۋە قورعانىسى كٷشتەرٸ 100 پايىز سوڭعى ەسكەري تەحنولوگييامەن جابدىقتالعان.
س-350 "ۆيتياز" – رەسەيدٸڭ زەنيت-زىمىران ەسكەرٸنە ارناپ جاسالعان كٶپ ارنالى, ورتا قاشىقتىققا ۇشاتىن ۇتقىر زىمىران جٷيەسٸ. كەشەن اەروديناميكالىق جەنە بالليستيكالىق قارۋلارمەن كٷرەسكە ارنالعان. كەشەننٸڭ بٸر قۇرىلعىسىندا 12 زەنيت زىمىران بار.
"ۆيتياز" 60 كم جەردەگٸ نىسانانى جويا الادى. قىرىمدا رەسەيدٸڭ "س-400" كەشەنٸ دە بار, ول 400 كم-دەگٸ نىسانانى جويا الادى.
ۋكراينا قورعانىس مينيسترٸ الەكسەي رەزنيكوۆ كەلەسٸ جىلى دا ۋكراينانىڭ تٷركييادان "بايراكتار" ۇشقىشسىز كەشەنٸن ساتىپ الۋدى جوسپارلاپ وتىرعانىن ايتقان بولاتىن. 26 قازاندا ۋكراينا قارۋلى كٷشتەرٸ "بايراكتاردى" دونباسس ماڭىندا قولدانىپ كٶرگەن.
تٷركييانىڭ ۇشقىشسىز باسقارىلاتىن "بايراكتار" اپپاراتىن 2020 جىلى كٷزدە ەزەربايجان تاۋلى قاراباق جانجالىندا قولدانعان. ساراپشىلار "بايراكتار" قاراباق كونفليكتٸسٸندە ەزەربايجاننىڭ ەسكەري كٷشٸنە ەلەۋلٸ ىقپال ەتتٸ دەپ سانايدى. وسى كونفليكتٸدەن كەيٸن ۋكراينا تٷركييادان "بايراكتاردى" ساتىپ الا باستاعان.
