رەسەي قورعانىس مينيسترلٸگٸ ماريۋپولدەگٸ "ازوۆستال" زاۋىتىن تولىق باقىلاۋعا العانىن مەلٸمدەدٸ. زاۋىت اۋماعىندا قالعان 2439 ۋكراين جاۋىنگەرٸ تۇتقىنعا تٷسكەن.
ۆەدومستۆونىڭ ايتۋىنشا, 20 مامىردا "ازوۆ" باتالونى جاۋىنگەرلەرٸنٸڭ سوڭعى توبى - 531 ادام, ونىڭ ٸشٸندە بٶلٸم كومانديرلەرٸ بەرٸلدٸ. كومبيناتتىڭ جەراستى قۇرىلىستارى رەسەي ەۋە كەمەلەرٸنٸڭ باقىلاۋىنا ٶتتٸ. رەسەي قورعانىس مينيسترٸ سەرگەي شويگۋ پرەزيدەنت ۆلاديمير پۋتينگە زاۋىتتى وسىلايشا "تولىق ازات ەتكەنٸن" بايانداعان.
"ازوۆستال" اۋماعىندا قالعان ۋكراين جاۋىنگەرلەرٸ 16 مامىردا تۇتقىنعا تٷسە باستاعان. ولاردىڭ تاعدىرى بەلگٸسٸز. ۋكراينا قورعانىس مينيسترلٸگٸ "ازوۆستال" ساربازدارىن تۇتقىن الماسۋ پروتسەدۋراسى ارقىلى ٷيلەرٸنە قايتارۋعا تىرىساتىنىن مەلٸمدەدٸ.
ازاتتىقتىڭ ورىس قىزمەتٸنٸڭ حابارلاۋىنشا, مەملەكەتتٸك دۋمادا "ازوۆ" پولكٸنٸڭ جاۋىنگەرلەرٸن ۋكرايناعا بەرمەۋ تۋرالى ٷندەۋلەر ايتىلعان. 17 مامىردا رەسەي باس پروكۋراتۋراسى دا جوعارعى سوتقا قايىرىلىپ, ۋكراينالىق "ازوۆ" پولكٸن تەرروريستٸك ۇيىم دەپ تانىپ, ەلدە ونىڭ قىزمەتٸنە تىيىم سالۋدى سۇراعان.
"ازوۆ" پولكٸ جەنە ۋكراينالىق ٶزگە دە ەسكەري بٶلٸم جاۋىنگەرلەرٸ ناۋرىز ايىنىڭ باسىنان قورشاۋدا قالعان ماريۋپول قالاسىندا ورىس ەسكەرٸنە تٶتەپ بەرٸپ, كەيٸن "ازوۆستال" مەتاللۋرگييا كومبيناتىندا تۇراقتاعان.
ايتا كەتەيٸك, ۋكراينا پرەزيدەنتٸ ۆلاديمير زەلەنسكيي ماريۋپولداعى "ازوۆستال" مەتاللۋرگييا زاۋىتىنىڭ رەسەي ەسكەرٸنە بەرٸلگەنٸن جاناما تٷردە راستادى.
"كەسٸپورىنداعى ادامنىڭ بارلىعى دەرلٸك زاۋىتتان شىعارىلدى", دەدٸ زەلەنسكيي 20 مامىر كەشكە "ۋكراينا 24" تەلەارناسىندا كٶرسەتٸلگەن سۇحباتىندا.
"ازاماتتار شىعارىلدى. دەرٸگەرلەر شىعارىلدى. اۋىر جارالانعاندار شىعارىلدى. جاقىن ارادا بەرٸن شىعارۋ اياقتالادى", - دەدٸ ول.
زەلەنسكيي تۇتقىندالعان ۋكراينالىق جاۋىنگەرلەرمەن جاعداي قيىن ەكەنٸن ايتتى.
"جٸگٸتتەر ەسكەري قىزمەتكەرلەردەن ولاردىڭ شىعۋعا جەنە ٶز ٶمٸرٸن ساقتاۋعا تولىق قۇقىعى بار ەكەنٸ تۋرالى سيگنال الدى", - دەدٸ پرەزيدەنت.
"ازوۆ" پولكٸ - 2014 جىلى ەرٸكتٸلەردەن قۇرىلعان باتالون. ونى "ەسٸرەوڭشىل بەلسەندٸلەر" قۇرعان دەپ ايتىلادى. بٸراق "ازوۆتٸڭ" كٶپتەگەن جاۋىنگەرٸ ٶزدەرٸنٸڭ "نەوناتسيست" ەمەس ەكەنٸن ايتادى. پولك ۋكراينا قارۋلى كٷشتەرٸنٸڭ قۇرامىنا ەنگەن.
