2025 جىلى قازاقستانداعى ٸلە-بالقاش قورىعىنا رەسەيدەن ٷش امۋر جولبارىسى ەكەلٸنەدٸ. بۇل تۋرالى ەكولوگييا, گەولوگييا جەنە تابيعي رەسۋرستار مينيسترٸ سەرٸكقالي برەكەشەۆ مەلٸمدەدٸ, دەپ حابارلايدى Sputnik قازاقستان اگەنتتٸگٸ.
ونىڭ ايتۋىنشا, قازٸر 415 مىڭ گەكتار اۋماقتا ٸلە-بالقاش قورىعى قۇرىلعان. ال قىركٷيەكتە رەسەيدە ٶتكەن ەكونوميكالىق فورۋمدا ەكٸ تاراپ مەموراندۋمعا قول قويدى. قازٸر جول كارتاسى ەزٸرلەنٸپ جاتىر.
"2025 جىلى بٸز العاشقى امۋر جولبارىستارىن ەكەلۋدٸ جوسپارلاپ وتىرمىز. ولاردىڭ ەكەۋٸ ۇرعاشى, بٸرەۋٸ ەركەك. تيٸستٸ جۇمىس قازٸر جٷرٸپ جاتىر. جەمشٶپ قورى دايىن. قاباندار مەن ەلٸكتەر دە جەتەرلٸك", - دەدٸ برەكەشەۆ مەجٸلٸس كۋلۋارىندا.
بۇل رەتتە جۋرناليستەر قورىق ماڭىندا تۇراتىن حالىقتىڭ قاۋٸپسٸزدٸگٸ قالاي قامتاماسىز ەتٸلەتٸنٸن سۇرادى.
"مەن جابايى اڭدار ٷشٸن كەپٸلدٸك بەرە المايمىن. بٸز رەزەرۆات قۇرۋ جايلى ايتىپ وتىرمىز. سول سەبەپتٸ جولبارىستار ازاماتتارىمىزعا قاۋٸپ تٶندٸرەدٸ دەپ سانامايمىن", - دەدٸ ول.
مينيستردٸڭ ايتۋىنشا, قازاقستان مەن رەسەي اراسىندا جولبارىستاردىڭ اقىسىنا قاتىستى ەشقانداي ۋاعدالاستىق جوق. ٶيتكەنٸ كٶرشٸ ەل جىرتقىشتاردى تەگٸن بەرەدٸ.
"رەسەي بٸزگە ونى تەگٸن بەرەدٸ. سول سەبەپتٸ بۇل جەردە اقشا تٶلەۋ مەسەلەسٸ تۇرعان جوق", - دەپ ناقتىلادى برەكەشەۆ.
سونداي-اق ەكولوگييا مينيسترٸ "امۋر جولبارىسى تۇران جولبارىسىنا قالاي اينالادى" دەگەن سۇراققا جاۋاپ بەردٸ.
"بٸزدٸڭ عالىمدار دنق بويىنشا امۋر جولبارىسى تۇران جولبارىسىنا قاتتى ۇقسايتىنىن انىقتادى. سول سەبەپتٸ امۋر جولبارىسىن ٸلە-بالقاش قورىعىنىڭ اۋماعىنا كٶشٸرۋ تۋرالى شەشٸم قابىلداندى", - دەدٸ ۆەدومستۆو باسشىسى.
