رەسەي فەدەراتسيياسىنىڭ ٷكٸمەتٸ تولىق قۇرامدا وتستاۆكاعا كەتەدٸ. بۇل تۋرالى مينيسترلەر كابينەتٸنٸڭ باسشىسى دميتريي مەدۆەدەۆ مەلٸمدەدٸ, دەپ حابارلايدى "ۇلت اقپارات".
مەدۆەدەۆتٸڭ سٶزٸنشە, ۆلاديمير پۋتيننٸڭ 15 قاڭتاردا حالىققا جولداۋىندا ايتىلعان كونستيتۋتسيياعا ٶزگەرٸستەر ەنگٸزۋ تۋرالى ۇسىنىسىنان كەيٸن ٷكٸمەت تاراتۋ شەشٸمٸ قابىلدانعان.
«اتاپ ٶتٸلگەندەي, تالقىلاۋدان كەيٸن اتالمىش ٶزگەرٸستەر قابىلدانعان جاعدايدا, ولار كونستيتۋتسييانىڭ بٸرقاتار باپتارىنا عانا ەمەس, سونداي-اق تۇتاستاي بيلٸكتٸڭ, اتقارۋشى بيلٸكتٸڭ, زاڭنامالىق بيلٸكتٸڭ, سوت بيلٸگٸنٸڭ بالانسىنا ايتارلىقتاي ٶزگەرٸستەر ەنگٸزەدٸ. بۇل كونتەكستتە رەسەي فەدەراتسيياسىنىڭ ٷكٸمەتٸ رەتٸندە ەل پرەزيدەنتٸنە بارلىق قاجەتتٸ شارالاردى قابىلداۋعا مٷمكٸندٸك بەرۋٸمٸز قاجەت ەكەنٸ تٷسٸنٸكتٸ. وسى جاعدايدا رف كونستيتۋتسيياسىنىڭ 117-بابىنا سەيكەس رەسەي فەدەراتسيياسىنىڭ ٷكٸمەتٸ بٷگٸنگٸ قۇرامىندا وتستاۆكاعا كەتكەنٸ دۇرىس دەپ سانايمىن», - دەدٸ مەدۆەدەۆ.
پۋتين 15 قاڭتارداعى جولداۋىندا كونستيتۋتسيياعا ٶزگەرٸس ەنگٸزٸپ, پرەزيدەنت ٶكٸلەتتٸلٸگٸنٸڭ جارتىسىن مەملەكەتتٸك دۋماعا بەرۋدٸ جەنە ەكٸ ازاماتتىعى بار نە شەتەلدە تۇراقتى تۇرۋعا رۇقساتى بار ادامنىڭ پرەزيدەنتتٸك سايلاۋعا تٷسۋٸنە تىيىم سالۋدى ۇسىنعان ەدٸ. بۇدان بٶلەك, ول كونستيتۋتسييانىڭ "بٸر ادام ەكٸ رەت قاتارىنان پرەزيدەنت بولىپ سايلانا المايدى" دەگەن تۇسىنداعى "قاتارىنان" دەگەن سٶزدٸ الىپ تاستاۋدى دا ۇسىندى.
ينتەرفاكستٸڭ حابارلاۋىنشا, رەسەي پرەزيدەنتٸ مەدۆەدەۆ ٷكٸمەتٸنە جاڭا كابينەت جاساقتالعانشا قىزمەتٸن جالعاستىرا بەرۋدٸ تاپسىرعان. سونداي-اق, پۋتين مەدۆەدەۆكە رەسەي قاۋٸپسٸزدٸك كەڭەسٸ تٶراعاسىنىڭ ورىنباسارى قىزمەتٸن ۇسىندى.
ايتا كەتەيٸك, مەدۆەدەۆ رەسەي ٷكٸمەتٸن 2012 جىلدان بەرٸ باسقارىپ كەلەدٸ. 2008-2012 جىلدارى رەسەي پرەزيدەنتٸ بولعان. ول 2012 جىلدان بەرٸ "ەدينايا روسسييا" پارتيياسىن دا باسقارادى.
