بۇۇ باس اسسامبلەياسى ۋكراينادا جٷرگٸزٸپ جاتقان سوعىس ٷشٸن رەسەيدٸ بۇۇ ادام قۇقىعى كەڭەسٸنەن شىعارىپ تاستادى, دەپ حابارلايدى ازاتتىق راديوسى.
داۋىسقا شىعارىلعان قاراردا رەسەي ەسكەرٸنٸڭ ۋكراينا اۋماعىندا ادام قۇقىعىن ٶرەسكەل بۇزعانى ايتىلادى.
رەسەيدٸ كەڭەستەن الىپ تاستاۋدى 93 ەل قولداعان, 24 ەل قارسى شىققان. قارسى داۋىس بەرگەندەر ٸشٸندە قىتاي مەن قازاقستان بار. ٷندٸستان باستاعان 58 ەل قالىس قالعان. قاراردى قابىلداۋ ٷشٸن 193 ەلدٸڭ قالىس قالعاندارىنان بٶلەك ٷشتەن ەكٸسٸ قولداپ داۋىس بەرۋٸ كەرەك ەدٸ. Reuters اگەنتتٸگٸنٸڭ جازۋىنشا, رەسەي قاراردى قولداپ داۋىس بەرۋدٸ دوستىققا جات قادام دەپ قارايتىنىن مەلٸمدەگەن.
مەسكەۋ ۋكرايناداعى بەيبٸت ازاماتتارعا قارسى اگرەسسيياسىن مويىنداماي كەلەدٸ.
مەملەكەتتٸ ادام قۇقىعى كەڭەسٸنەن شىعارىپ تاستاۋ سيرەك كەزدەسەدٸ. سوڭعى رەت مۇنداي جاعداي 2011 جىلى بولعان. ول كەزدە كەڭەستەن ليۆييانى شىعارعان. ول ەلدٸڭ باسشىسى مۋاممار كاددافي ٷكٸمەتكە قارسى ميتينگ قاتىسۋشىلارىنا زورلىق-زومبىلىق كٶرسەتتٸ دەپ ايىپتالعان.
ەندٸ رەسەي كەڭەس وتىرىستارىندا سٶز سٶيلەپ, داۋىس بەرە المايدى, بٸراق ونىڭ ديپلوماتتارى كەڭەستەگٸ دەباتتارعا قاتىسا الادى. Reuters دەرەككٶزدەرٸنٸڭ ايتۋىنشا, رەسەي بۇدان بىلاي بۇۇ كەڭەسٸنە سەنٸمدٸ تۇلعالارى ارقىلى ىقپال ەتۋگە كٶشەدٸ.
بۇۇ ادام قۇقىعى كەڭەسٸنٸڭ مٷشەلەرٸ ٷش جىلعا سايلانادى. رەسەي مەن ۋكراينا شىعىس ەۋروپا ەلدەرٸ اراسىنان 2021-2023 جىلدار ارالىعىنا سايلانعان.
كيەۆ تٷبٸندەگٸ بۋچا قالاسى سەۋٸردٸڭ باسىندا رەسەي ەسكەرٸنەن ازات بولىپ, قالادا ونداعان بەيبٸت ازاماتتىڭ ٶلتٸرٸلگەنٸ مەلٸم بولدى. مەيٸتتەر اراسىندا قولى ارتقا قايىرىلا بايلانعاندار دا بولدى. قالادا باۋىرلاستار زيراتى دا پايدا بولعان. ۋكراينا بيلٸگٸ 300-دەن استام بەيبٸت تۇرعىننىڭ وپات بولعانىن ايتادى. ەلەمدٸك قاۋىمداستىق بۇل قىلمىستى جاساعان رەسەي ەسكەرٸ دەپ وتىر.
رەسەي بۋچاداعى بەيبٸت ازاماتتاردى ٶلتٸردٸ دەگەن ايىپتى جوققا شىعارىپ, مۇنى "ۋكراينانىڭ ارانداتۋى" دەپ اتادى.
