سۋرەت اشىق دەرەككٶزدەن الىندى
9 ناۋرىزعا قاراعان تٷنٸ جەنە بەيسەنبٸ كٷنٸ تاڭەرتەڭ ورىس ەسكەرٸ ۋكرايناعا زىمىران جاۋدىردى. ەلدٸڭ بارلىق ايماعىندا ەۋە دابىلى ٸسكە قوسىلدى, دەپ جازادى ازاتتىق.
لۆوۆ ەكٸمشٸلٸگٸنٸڭ جەتەكشٸسٸ ماكسيم كوزيتسكيي تەلەگرام-ارناسىندا لۆوۆ وبلىسىنىڭ زولوچەۆ اۋدانىندا تۇرعىن ٷيگە زىمىران تٷسٸپ, بەس ادام وپات بولعانىن حابارلادى. قۇتقارۋشىلار ٷيٸندٸلەردٸ ارشىپ جاتىر. كوزيتسكييدٸڭ ايتۋىنشا, ٷيٸندٸ استىندا ادامدار بار.
ال دنەپروپەتروۆسك وبلىسىنىڭ جەتەكشٸسٸ سەرگەي لىساك تٷنگٸ سوققىلاردان كەيٸن بٸر ادام وپات بولىپ, ەكٸ ادام زارداپ شەككەنٸن جەتكٸزدٸ.
BBC-دٸڭ ورىس قىزمەتٸنٸڭ حابارلاۋىنشا, ورىس ەسكەرٸنٸڭ اتقىلاۋى كەمٸندە التى ساعاتقا جالعاسقان. قاناتتى, بالليستيكالىق زىمىراندار ۇشىرىلعان, يراندىق Shahed 136 درونىمەن دە سوققى جاسالعان.
حاركوۆتە جەرگٸلٸكتٸ بيلٸك ەنەرگەتيكا نىساندارى بٷلٸنگەنٸن حابارلادى. حاركوۆ وبلىسىنىڭ ەسكەري ەكٸمشٸلٸگٸنٸڭ جەتەكشٸسٸ ولەگ سينەگۋبوۆتىڭ ايتۋىنشا, رەسەي ەسكەرٸ حاركوۆ پەن ماڭىنداعى اۋماققا شامامەن 15 سوققى جاساعان. ەزٸرگە تولىق ەمەس مەلٸمەت بويىنشا, تۇرعىن ٷيگە دە راكەتا تٷسكەن. زارداپ شەككەندەر تۋرالى اقپارات جوق.
كيەۆ مەرٸ ۆيتاليي كليچكو گولوسەەۆ جەنە سۆياتوشينك اۋداندارىندا كەمٸندە ٷش جارىلىس بولىپ, ەكٸ ادام زارداپ شەككەنٸن حابارلادى.
ودەسسا وبلىسى ەسكەري ەكٸمشٸلٸگٸنٸڭ جەتەكشٸسٸ ماكسيم مارچەنكو رەسەي اتقىلاۋى كەزٸندە تۇرعىن ٷيلەر مەن ەنەرگەتيكا نىساندارى بٷلٸنگەنٸن ايتتى.
جەرگٸلٸكتٸ باق-تىڭ جازۋىنشا, نيكولاەۆ, جيتومير, يۆانو-فرانكوۆسك, حمەلنيتسكيي, تەرنوپول وبلىستارىندا دا جارىلىس ەستٸلگەن. كٶپ ايماقتا ەۋە شابۋىلىنان قورعايتىن جٷيەلەر ٸسكە قوسىلعان. بٸرقاتار وبلىستا جارىق سٶندٸرٸلگەن.
"ەنەرگواتوم" ورىس ەسكەرٸ سوققىسىنىڭ سالدارىنان زاپوروجە اەس-ٸ تۇتاس ٸستەن شىققانىن مەلٸمدەدٸ. "ۋكراينا تەمٸرجولى" كومپانيياسى كەمٸندە 15 پويىز كەشٸككەنٸن حابارلادى.
رەسەي قورعانىس مينيسترلٸگٸ ەزٸرشە 9 ناۋرىز كٷنگٸ زىمىران شابۋىلدارىنا قاتىستى تٷسٸنٸكتەمە بەرمەدٸ. جالپى, رەسەي بيلٸگٸ ۋكراينانىڭ ازاماتتىق نىساندارىنا شابۋىلداعانىن مويىنداماي كەلەدٸ.
بۇعان دەيٸن رەسەي ەسكەرٸ ۋكراينانى 16 اقپاندا زىمىرانمەن جاپپاي اتقىلاعان. سول كەزدە ۋكراينا ەسكەري-ەۋە كٷشتەرٸنە سٷيەنگەن كەيبٸر باق رەسەيلٸك ۇشاقتار مەن كەمەلەر 32 قاناتتى راكەتا ۇشىرعانىن, 14-ٸ اتىپ تٷسٸرٸلگەنٸن حابارلاعان.
