رەسەي سولداتتارىنىڭ دەنەسٸ. ۋكراينا, حاركوۆ ماڭى, 6 مامىر 2022 جىل
رەسەي ەسكەرٸ ۋكرايناعا باسىپ كٸرگەن العاشقى 3 ايدا سوۆەت ٶكٸمەتٸنٸڭ اۋعانستاندا 10 جىل سوعىسقانداعى شىعىنىنا پارا-پار شىعىن كٶرگەن بولۋى مٷمكٸن. بۇل اقپاراتتى 23 مامىردا بريتانييا بارلاۋى جارييالادى.
ۋكرايناداعى سوعىس تۋرالى كەزەكتٸ اقپاراتىندا بريتان بارلاۋى رەسەي ەسكەرٸنٸڭ كٶپ شىعىنعا ۇشىراعانىن جەكەلەگەن بٶلٸمشەلەرٸنٸڭ تاكتيكالىق دايىندىعىنىڭ ناشارلىعىمەن, كوماندالىق باسقارۋدىڭ يكەمسٸزدٸگٸ جەنە ەۋەدەن قولداۋدىڭ جەتكٸلٸكسٸزدٸگٸمەن بايلانىستىردى.
مامىر ايىنىڭ ورتاسىندا بريتانييا بارلاۋى رەسەي اقپاندا ۋكرايناعا باسىپ كٸرۋ ٷشٸن جيناعان قۇرلىقتاعى ەسكەرٸنٸڭ ٷشتەن بٸرٸنەن ايىرىلعانىن جارييالادى. ول كەزدە شامامەن 150 مىڭ جاۋىنگەر بولعان. الايدا ونىڭ قانشاسى ٶلگەنٸ بەلگٸسٸز.
"مەديازونا" ەسەبٸنشە, ۋكراينادا ٶلگەن رەسەيدٸڭ 2500 جاۋىنگەرٸنٸڭ اتى-جٶنٸ اشىق دەرەكتەردە بار. رەسەي قورعانىس مينيسترٸ ٶلگەندەر سانىن العاش رەت ناۋرىز ايىندا ەكٸ ەسە ازايتىپ حابارلاعان. ۋكراينانىڭ ەسەبٸنشە, رەسەي ەسكەرٸنٸڭ شىعىنى 30 مىڭعا جۋىقتاعان. ۋكراينا ٶز شىعىنى جايلى حابارلاعان جوق. ەكٸ تاراپ تا ٶز شىعىنىن ازايتىپ, قارسىلاس شىعىنىن ۇلعايتىپ كٶرسەتۋگە تىرىسادى. بۇل مەلٸمەتتەردٸ سوعىس جاعدايىندا تەكسەرۋ مٷمكٸن ەمەس.
سوۆەت ەسكەرٸ اۋعانستانداعى نەگٸزٸنەن اۋعان كٶتەرٸلٸسشٸلەرٸنٸڭ شاشىراڭقى توپتارىمەن سوعىسقان بولاتىن. بۇل جولى رەسەي ەسكەرٸنە ۋكراينانىڭ 261 مىڭدىق ەسكەرٸ, 100 مىڭعا جۋىق جەرگٸلٸكتٸ قورعانىس بٶلٸمدەرٸ جەنە ٶزگە دە كٷش قۇرىلىمدارىنىڭ بٶلٸمشەلەرٸ قارسى تۇر.
