رەسەيدەگٸ ەڭ باي قازاق دەپ تانىلىپ كەتكەن سوۆەت ەسٸمدٸ ازامات جەلٸدە جازبا جارييالادى, دەپ حابارلايدى ult.kz.
ول بۇل جولى اناسى تۋرالى سٶز قوزعاپتى.
«مەنٸڭ انام – قانىمشا. ەكەمٸزدەن بٸز ٶتە كٸشكەنتاي كەزٸمٸزدە ايىرىلىپ قالدىق. انام تٶرت بالانى جالعىز ٶزٸ ٶسٸرٸپ, اياققا تۇرعىزدى. بٸزدٸ جەتكٸزەمٸن دەپ بار كٷش-جٸگەرٸن سالدى.
اناشىم, بٸز ٷشٸن جاساعان بارلىق ەڭبەگٸڭٸزگە مىڭ العىس! سٸزدٸڭ مەيٸرٸمٸڭٸز بەن قامقورلىعىڭىزدىڭ ارقاسىندا بٷگٸنگٸ كٷنگە جەتتٸك. اتا-انالارىڭىزدىڭ قادٸرٸن بٸلٸڭٸزدەر, ولاردى ايالاپ, جاقسى كٶرٸڭٸزدەر. سەبەبٸ اتا-انامىز امان بولسا, بٸز ەرقاشان ولاردىڭ بالاسى بولىپ قالا بەرەمٸز», - دەپ جازدى ول.
ايتا كەتەيٸك, بۇعان دەيٸن جەلٸدە تاراعان بەينەجازبادا ەر ادام التىن ساقيناعا تولى قولدارىن كٶرسەتٸپ, التىن تٸسٸمەن كٶزگە تٷسەدٸ. جەلٸ قولدانۋشىلارى ونى رەسەيدەگٸ ەڭ باي قازاق دەپ اتاعان ەدٸ.
كەيبٸر دەرەكتەرگە سٷيەنسەك, ونىڭ 10 مىڭ باس جىلقىسى جەنە 76 تازى يتٸ بار ەكەن.
