بٷگٸن نۇرسۇلتان نازارباەۆ حالىقارالىق ەۋەجايىنا پارا پاۋەرليفتينگشٸ – داۆيد دەگتيارەۆ پەن الينا سولودۋحينا جەنە داۆيدتٸڭ جەكە باپكەرٸ يۋريي كولەسنيكوۆ ۇشىپ كەلدٸ, دەپ حابارلايدى "ۇلت اقپارات" مەدەنيەت جەنە سپورت مينيسترلٸگٸنە سٸلتەمە جاساپ.
جاپونييا استاناسىنان ەلگە ورالعان دەلەگاتسييا مٷشەلەرٸن مەدەنيەت جەنە سپورت مينيسترٸ اقتوتى رايىمقۇلوۆا, سپورتشىلاردىڭ تۋعان-تۋىستارى, جانكٷيەرلەر مەن باق ٶكٸلدەرٸ كٷتٸپ الدى.
مينيسترٸ پاراليمپياداشىلاردىڭ توكيو تٶرٸندەگٸ جەتٸستٸگٸ قازاق سپورتى تاريحىنا التىن ەرٸپپەن جازىلاتىنىن, ەلٸمٸزدەگٸ پارا سپورتتىڭ دامۋىنا سەرپٸن بەرەتٸنٸن جەتكٸزدٸ.
«قازٸردٸڭ ٶزٸندە توكيو-2020 – تەۋەلسٸز قازاقستان تاريحىنداعى ەڭ تابىستى پاراليمپيادا. بيىل ٶز تاريحىمىزدا ەڭ كٶپ سپورتشى اپارىپ قانا قويماي, ەڭ جوعارى نەتيجەگە قول جەتكٸزٸپ جاتىرمىز. سٸزدەر تٶرت جىلدىقتىڭ باستى دوداسىنا جولداما جەڭٸپ الۋ ارقىلى رۋحى مىقتى جان ەكەندەرٸڭٸزدٸ تانىتقان ەدٸڭٸزدەر. ەندٸ سەتتٸ ٶنەر كٶرسەتٸپ, كٶك تۋىمىزدى بيٸكتە جەلبٸرەتٸپ, بٸزگە زور قۋانىش سىيلاپ كەلەسٸزدەر. سول ٷشٸن سٸزدەرگە جەنە باپكەرلەرٸڭٸزگە راقمەت ايتامىن», - دەدٸ مينيستر.
ايتا كەتەيٸك, 26 تامىزدا 54 كەلٸگە دەيٸن سالماقتا جارىس جولىنا شىققان داۆيد دەگتيارەۆ 172 كەلٸ زٸلتەمٸردٸ كٶتەرٸپ, التىن مەدال الدى. ال 45 كەلٸگە دەيٸن سالماقتا الينا سولودۋحينا 83 كيلو زٸلتەمٸردٸ كٶتەرٸپ, ٷزدٸك بەستٸككە ەندٸ. بۇل - قوس سپورتشىنىڭ كارەراسىنداعى العاشقى پاراليمپيادا.
