Búgin Nursultan Nazarbaev halyqaralyq áýejaiyna para paýerliftingshi – David Degtiarev pen Alina Solodýhina jáne Davidtiń jeke bapkeri Iýrii Kolesnikov ushyp keldi, dep habarlaidy "Ult aqparat" Mádeniet jáne sport ministrligine silteme jasap.
Japoniia astanasynan elge oralǵan delegatsiia múshelerin Mádeniet jáne sport ministri Aqtoty Raiymqulova, sportshylardyń týǵan-týystary, jankúierler men BAQ ókilderi kútip aldy.
Ministri paralimpiadashylardyń Tokio tórindegi jetistigi qazaq sporty tarihyna altyn árippen jazylatynyn, elimizdegi para sporttyń damýyna serpin beretinin jetkizdi.
«Qazirdiń ózinde Tokio-2020 – táýelsiz Qazaqstan tarihyndaǵy eń tabysty Paralimpiada. Biyl óz tarihymyzda eń kóp sportshy aparyp qana qoimai, eń joǵary nátijege qol jetkizip jatyrmyz. Sizder tórt jyldyqtyń basty dodasyna joldama jeńip alý arqyly rýhy myqty jan ekenderińizdi tanytqan edińizder. Endi sátti óner kórsetip, kók týymyzdy biikte jelbiretip, bizge zor qýanysh syilap kelesizder. Sol úshin Sizderge jáne bapkerlerińizge raqmet aitamyn», - dedi ministr.
Aita keteiik, 26 tamyzda 54 kelige deiin salmaqta jarys jolyna shyqqan David Degtiarev 172 keli ziltemirdi kóterip, altyn medal aldy. Al 45 kelige deiin salmaqta Alina Solodýhina 83 kilo ziltemirdi kóterip, úzdik bestikke endi. Bul - qos sportshynyń karerasyndaǵy alǵashqy Paralimpiada.
