تانىمال ساياساتتانۋشى راسۋل جۇمالى الداعى پارلامەنت مەجٸلٸسٸ جەنە مەسليحات سايلاۋىنا قاتىستى پٸكٸر بٸلدٸردٸ, دەپ حابارلايدى قازاقپارات.
ايتا كەتەيٸك, بٷگٸن ەلوردادا ەۋرازييالىق ينتەگراتسييا ينستيتۋتىنىڭ ۇيىمداستىرۋىمەن «سايلاۋ-2021: ساياسي مودەرنيزاتسييانىڭ جاڭا كەزەڭٸ» اتتى ساراپشىلىق كەزدەسۋ ٶتتٸ.
ٸس-شارانىڭ ماقساتى – پارلامەنت مەجٸلٸسٸنە سايلاۋدىڭ ەرەكشەلٸكتەرٸ مەن رٶلٸن ساراپتامالىق تۇرعىدا تالقىلاۋ, ساياسي پارتييالاردىڭ ستراتەگييالارىن تالداۋ, ەل ازاماتتارىنىڭ ساياسي مەدەنيەتٸن ارتتىرۋ بويىنشا ۇستانىمدار مەن ۇسىنىستاردى ەزٸرلەۋ.
«قازٸر بەرٸمٸز قىزىقتى دا ماڭىزدى كەزەڭنٸڭ الدىندا تۇرمىز. سايلاۋعا بٸر ايدان از ۋاقىت قالدى. بۇل سايلاۋدىڭ بٸرتالاي جاڭاشىلدىعى بار. ەسكٸ دەستٷرلەردٸڭ دە ساقتالۋىن, ونىڭ ٸشٸندە كەلەڭسٸز تەجٸريبەلەردٸڭ قايتالانۋىن بايقاپ وتىرمىز. جاڭاشىلدىققا كەلسەك, سايلاۋ كٶپ جىلدان كەيٸن ٶزٸنٸڭ زاڭمەن بەلگٸلەنگەن كەزەڭٸندە ٶتٸپ وتىر. مەنٸڭشە, بۇل - يگٸ ەرٸ جاقسى جاڭالىق. بۇعان دەيٸن پرەزيدەنتتٸك بولسىن, پارلامەنتتٸك بولسىن سايلاۋلاردىڭ بارلىعى تٷرلٸ سەبەپتەرمەن كەزەكتەن تىس ٶتەتٸن. بٸرەسە داعدارىستى جەلەۋ ەتٸپ, بٸرەسە اۋقىمدى جوبالاردى العا تارتا وتىرىپ سايلاۋدىڭ مەرزٸمٸ ٶزگەرەتٸن. مەنٸڭشە, بۇل فاكتور – ٶركەنيەتتٸلٸكتٸڭ, مەملەكەتتٸڭ, بيلٸكتٸڭ ٶز زاڭدارىن قۇرمەتتەي بٸلۋٸنٸڭ كٶرسەتكٸشٸ», - دەدٸ راسۋل جۇمالى.
ساياساتتانۋشى ۇلتتىق كەڭەس اياسىندا بٸرتالاي ساياسي مودەرنيزاتسيياعا بەت تٷزەگەن زاڭدار قابىلدانىپ, ٶزگەرٸستەر ەنگٸزٸلگەنٸن ايتىپ ٶتتٸ.
«پارلامەنتتٸڭ وپپوزيتسييا ۇعىمىنىڭ ەنگٸزٸلٸپ وتىرعانى, سول وپپوزيتسييانىڭ قۋىرشاق ەمەس ناقتى بولۋى – بٸزدٸڭ ەلٸمٸزگە اۋاداي قاجەت. قازٸر ساياسي الاڭداعى پارتييالار قانشالىقتى بٷكٸل قوعامنىڭ مٷددەسٸن, نارازىلىعىن بٸلدٸرٸپ وتىر? بۇل تاقىرىپتا پٸكٸرتالاس قۇرۋعا بولادى. مەنٸڭ ويىمشا, جاقىن ارادا جاڭا بٸر ساياسي ويىنشىلاردىڭ, توپتاردىڭ پايدا بولۋى ٶتە ماڭىزدى. بيلٸك ورگاندارى وعان بارىنشا مٷمكٸندٸك جاساۋى كەرەك», - دەدٸ ساياساتتانۋشى.
