شەشەنستان پرەزيدەنتٸ رامزان قادىروۆ بايقوڭىرداعى قازاقستاندىق 7 جاسار ەليف نۇرجانوۆاعا وتا جاساتۋ ٷشٸن 10 500 دوللار اۋداردى. بۇل تۋرالى kaz.tengrinews.kz تٸلشٸسٸنە قىزدىڭ اناسى اينۇر نۇرجانوۆا حابارلادى.
اينۇر نۇرجانوۆانىڭ ايتۋىنشا, قادىروۆتىڭ ٶزٸ Instagram جەلٸسٸندەگٸ pomogite_elif پاراقشاسىنا جازىپ, كٶمەك بەرۋگە ۋەدە بەرگەن. ال كەيٸننەن اقشا اۋدارعان.
"بۇل ناعىز باقىت, مەنٸڭ سٶزٸم جوق. قۇرمەتتٸ @kadyrov_95 سٸزگە كٶپ راقمەت, انا رەتٸندە العىس ايتامىن. قۋانىشتان كٶزٸمە جاس الىپ وتىرمىن. قۇرمەتتٸ دوستار, وسى كٷنگە دەيٸن ەسەپشوتقا كٶپ قاراجات اۋدارىلدى. ەرقايسىسىڭىزعا راقمەت ايتامىن. مەيرامنان سوڭ ناقتى قانشا سوما تٷسكەنٸن ايتامىن. 1 قازاندا تەكسەرٸستەن ٶتەمٸز. ەلحامدۋليللاح, بٸزدٸڭ ەسەپشوت جابىلدى", - دەپ جازدى اينۇر ٶزٸنٸڭ پاراقشاسىندا.
ايتا كەتەيٸك, قىزدىڭ اناسى قاراجاتتى ەلەۋمەتتٸك جەلٸلەر ارقىلى جيناعان. 9 قىركٷيەكتە تٷركييادا قىزدىڭ ومىرتقاسىنا وتا جاسالدى. دەرٸگەرلەر ونىڭ ٸشكٸ ورگاندارىنا قىسىم تٷسپەس ٷشٸن بارىن جاسادى.
