اباي وبلىسىندا 20 جاستاعى دٸلناز جۇماعۇلوۆانى ٶلتٸردٸ دەگەن كٷدٸكپەن ونىڭ بۇرىنعى جٸگٸتٸ قاماۋعا الىنعان. مارقۇمنىڭ اتا-اناسى قىلمىستىڭ اسا قاتىگەزدٸكپەن جاسالعانىن ايتىپ, ٸستٸ اۋىر باپ بويىنشا قايتا سارالاۋدى جەنە كٸنەلٸگە ەڭ قاتاڭ جازا تاعايىندالۋىن تالاپ ەتٸپ وتىر, دەپ حابارلايدى ult.kz.
كتك ارناسىنىڭ مەلٸمەتٸنشە, دٸلناز – وتباسىنداعى جالعىز پەرزەنت. سەمەيدەگٸ شەكەرٸم ۋنيۆەرسيتەتٸنٸڭ ەكٸنشٸ كۋرسىندا تاريح جەنە گەوگرافييا ماماندىعىندا بٸلٸم العان. كەرٸس جەنە اعىلشىن تٸلدەرٸن مەڭگەرگەن بويجەتكەننٸڭ ٶمٸرٸ 13 شٸلدەدە ٷزٸلگەن.
سول كٷنٸ دٸلناز قۇرداستارىمەن كەزدەسٸپ, اۋىل ٸشٸندە سەرۋەندەۋدٸ جوسپارلاعان. الايدا دوستارى ٷيدەن شىقپاي قالعان. كەلەسٸ كٷنٸ تاڭەرتەڭ بويجەتكەننٸڭ دەنەسٸ كٶشەدەن تابىلعان.
مارقۇمنىڭ ەكەسٸ سابىرجان تەمٸرحاننىڭ ايتۋىنشا, قىزىنىڭ دەنەسٸنەن بٸرنەشە پىشاق جاراقاتى انىقتالعان. ونىڭ سٶزٸنشە, بويجەتكەننٸڭ باسىنان دا اۋىر جاراقات العانى ساراپتاما كەزٸندە بەلگٸلٸ بولعان.
«سودان كەيٸن تاستاعان. ٷستٸندەگٸ كۋرتكاسىن شەشٸپ العان. سونىڭ بەرٸن الىپ, مىنا جاقتاعى ورمانعا اپارىپ, تەلەفونى مەن كۋرتكاسىن تىعىپ تاستاعان», – دەيدٸ دٸلنازدىڭ ەكەسٸ.
قىلمىسقا كٷدٸكتٸ رەتٸندە 20 جاستاعى بۇرىنعى جٸگٸتٸ ۇستالعان. ول دٸلنازبەن بورودۋليحا اۋىلىنداعى مەكتەپتەردٸڭ بٸرٸندە قاتارلاس سىنىپتا وقىعان.
مارقۇمنىڭ اناسى دينارا اتاەۆانىڭ ايتۋىنشا, قىزى بۇعان دەيٸن جٸگٸتپەن قارىم-قاتىناسىن توقتاتقانىن ايتقان. الايدا ولاردىڭ بيىل جازدا قايتا ارالاسا باستاعانىن تانىستارى جەتكٸزگەن.
«قىزىم ول جٸگٸتپەن قارىم-قاتىناسىن توقتاتقانىن ايتقان ەدٸ. ەكەۋٸنٸڭ اراسىندا قانداي جانجال بولعانىن بٸلمەيمٸن», – دەيدٸ اناسى.
وتباسى بۇل ٸستٸڭ اسا قاتىگەزدٸكپەن جاسالعانىنا سەنٸمدٸ. سوندىقتان اتا-انا قىلمىستىق ٸستٸ قر قىلمىستىق كودەكسٸنٸڭ 99-بابى 2-بٶلٸگٸ بويىنشا قايتا سارالاۋدى تالاپ ەتٸپ وتىر.
«بٸز كٸنەلٸ ادامنىڭ بارىنشا اۋىر جازا العانىن تالاپ ەتەمٸز. ول زاڭ تالابىنا ساي تولىق جازالانۋى كەرەك. قازٸر ٸس قىلمىستىق كودەكستٸڭ 99-بابى 1-بٶلٸگٸ بويىنشا تەرگەلٸپ جاتىر. بۇل – اسا قاتىگەزدٸكپەن جاسالعان قىلمىس. سوندىقتان 99-باپتىڭ 2-بٶلٸگٸ بويىنشا سارالانۋعا تيٸس», – دەيدٸ دينارا اتاەۆا.
اتا-انانىڭ ايتۋىنشا, كٷدٸكتٸنٸڭ قىلمىسقا قاتىسى بار زاتتارى دا تابىلعان. قازٸر وتباسىنىڭ زاڭگەرٸ بٸرنەشە تومنان تۇراتىن قىلمىستىق ٸس ماتەريالدارىن زەردەلەپ جاتىر.
اباي وبلىسى پوليتسييا دەپارتامەنتٸنٸڭ مەلٸمەتٸنشە, كٷدٸكتٸ ۇستالىپ, ۋاقىتشا ۇستاۋ يزولياتورىنا قامالعان. سوتقا دەيٸنگٸ تەرگەۋ اياقتالعان. قازٸر پروتسەسكە قاتىسۋشىلار قىلمىستىق ٸس ماتەريالدارىمەن تانىسىپ جاتىر.
«تانىسۋ اياقتالعاننان كەيٸن قىلمىستىق ٸس زاڭنامادا بەلگٸلەنگەن تەرتٸپپەن سوتقا جولدانادى», – دەدٸ اباي وبلىسى پد تەرگەۋ باسقارماسى باستىعىنىڭ ورىنباسارى ەرجان تەلجانوۆ.
ەندٸ دٸلنازدىڭ اتا-اناسى سوتتان ٸستٸڭ بارلىق مەن-جايىن جان-جاقتى قاراپ, كٸنەلٸ ادامعا زاڭ اياسىندا ەڭ قاتاڭ جازا تاعايىنداۋدى سۇراپ وتىر.
