استانادا تۇرعىن ٷي قاپتاماسىنىڭ قۇلاۋىنان فەلدشەر ۇلدانا مىرزۋان قازا تاپقاننان كەيٸن وسي تٶراعالارىنىڭ جاۋاپكەرشٸلٸگٸ مەسەلەسٸ كٶتەرٸلدٸ, دەپ حابارلايدى ult.kz.
بۇل تۋرالى 31-ارنانىڭ “ينفورمبيۋرو” جاڭالىقتار باعدارلاماسى حابارلايدى.
الماتى, استانا جەنە قاراعاندى قالالارىنداعى وسي باسشىلارى زاڭعا ٶزگەرٸس ەنگٸزۋدٸ تالاپ ەتٸپ, پەتيتسييا ەزٸرلەدٸ.
وسي تٶراعالارىنىڭ ايتۋىنشا, قۇرىلىس كەزٸندە كەتكەن قاتەلٸكتەر مەن جاسىرىن اقاۋلار ٷشٸن جاۋاپكەرشٸلٸك ٷي باسقارۋشىلارىنا ەمەس, قۇرىلىس سالۋشى مەن مەردٸگەرگە جٷكتەلۋٸ كەرەك.
ٶتكەن جىلدىڭ قاراشاسىندا استانادا كٶپقاباتتى ٷيدٸڭ قاپتاماسى قۇلاپ, جەدەل جەردەم فەلدشەرٸ ۇلدانا مىرزۋان قازا تاپتى. تاعى ٷش ادام جاراقات الدى. وسى ٸسكە بايلانىستى ٷيدٸڭ وسي تٶرايىمى سوت الدىندا جاۋاپ بەرٸپ جاتىر.
وسي باسشىلارى ٶزدەرٸنٸڭ تەحنيكالىق مامان ەمەستٸگٸن, ال تۇرعىن ٷيدەگٸ جاسىرىن اقاۋدى انىقتاۋ ٷشٸن ارنايى ساراپتاما قاجەت ەكەنٸن ايتادى. سونىمەن قاتار ولار تۇرعىنداردىڭ جالپى جينالىسىندا قابىلدانعان شەشٸمدەرگە تەۋەلدٸ.
ماماندار قۇرىلىس اقاۋىن دەلەلدەۋ ٷشٸن قىمبات ساراپتاما قاجەت ەكەنٸن اتاپ ٶتتٸ. ال قۇرىلىس سالۋشى بانكروتقا ۇشىراعان جاعدايدا جاۋاپتى تۇلعانى انىقتاۋ ودان ەرٸ قيىنداي تٷسەدٸ.
وسي تٶراعالارى زاڭدا تۇرعىندار, وسي, جوبالاۋشى, قۇرىلىس سالۋشى جەنە مەردٸگەردٸڭ جاۋاپكەرشٸلٸگٸ ناقتى اجىراتىلۋى قاجەت دەپ سانايدى.
ولاردىڭ باستى تالابى – قۇرىلىس كەزٸندەگٸ قاتەلٸكتەر مەن جاسىرىن اقاۋلار ٷشٸن وسي تٶراعالارىن جاۋاپقا تارتپاۋ.
