Astanada turǵyn úi qaptamasynyń qulaýynan feldsher Uldana Myrzýan qaza tapqannan keiin OSI tóraǵalarynyń jaýapkershiligi máselesi kóterildi, dep habarlaidy ult.kz.
Bul týraly 31-arnanyń “Informbiýro” jańalyqtar baǵdarlamasy habarlaidy.
Almaty, Astana jáne Qaraǵandy qalalaryndaǵy OSI basshylary zańǵa ózgeris engizýdi talap etip, petitsiia ázirledi.
OSI tóraǵalarynyń aitýynsha, qurylys kezinde ketken qatelikter men jasyryn aqaýlar úshin jaýapkershilik úi basqarýshylaryna emes, qurylys salýshy men merdigerge júktelýi kerek.
Ótken jyldyń qarashasynda Astanada kópqabatty úidiń qaptamasy qulap, jedel járdem feldsheri Uldana Myrzýan qaza tapty. Taǵy úsh adam jaraqat aldy. Osy iske bailanysty úidiń OSI tóraiymy sot aldynda jaýap berip jatyr.
OSI basshylary ózderiniń tehnikalyq maman emestigin, al turǵyn úidegi jasyryn aqaýdy anyqtaý úshin arnaiy saraptama qajet ekenin aitady. Sonymen qatar olar turǵyndardyń jalpy jinalysynda qabyldanǵan sheshimderge táýeldi.
Mamandar qurylys aqaýyn dáleldeý úshin qymbat saraptama qajet ekenin atap ótti. Al qurylys salýshy bankrotqa ushyraǵan jaǵdaida jaýapty tulǵany anyqtaý odan ári qiyndai túsedi.
OSI tóraǵalary zańda turǵyndar, OSI, jobalaýshy, qurylys salýshy jáne merdigerdiń jaýapkershiligi naqty ajyratylýy qajet dep sanaidy.
Olardyń basty talaby – qurylys kezindegi qatelikter men jasyryn aqaýlar úshin OSI tóraǵalaryn jaýapqa tartpaý.
