بٷگٸن قۇرىلتاي وتىرىسىندا دەپۋتاتتار ۆيتسە-پرەزيدەنت لاۋازىمىنا ۇسىنىلعان ەرلان قاريننٸڭ كانديداتۋراسىن قولدادى, دەپ حابارلايدى ult.kz.
"اسا مەرتەبەلٸ قاسىم-جومارت كەمەلۇلى, قۇرمەتتٸ قۇرىلتاي دەپۋتاتتارى, سوڭعى 5-7 جىلدا ەلٸمٸز قاي جاعىنان بولماسىن ايتارلىقتاي ٶزگەردٸ. ٶزٸڭٸز ايتىپ جٷرگەندەي قازاقستان مٷلدە جاڭا تۇرپاتتاعى ەلگە اينالدى. كٶپتەگەن سالادا اۋقىمدى جەنە تەرەڭ ٶزگەرٸستەر جٷرٸپ جاتىر. ونىڭ وڭ نەتيجەسٸن حالقىمىز ٶز كٶزٸمەن كٶرٸپ, سەزە باستادى. سٸزدٸڭ قولداۋىڭىز بەن سەنٸمٸڭٸزدٸڭ ارقاسىندا ەلدەگٸ ٷلكەن وسىنداي تاريحي ٶزگەرٸستەردٸڭ ورتاسىندا جٷرۋگە مٷمكٸندٸك الدىق. قۇرمەتتٸ قاسىم-جومارت كەمەلۇلى, ٶزٸڭٸز جيٸ ايتاتىن بٸر سٶز بار: ەربٸر ازامات ٷشٸن ەلگە قىزمەت ەتۋ ٷلكەن باقىت ەرٸ زور مەرتەبە. ماعان دا وسى جىلدارى وسىنداي مٷمكٸندٸك بەرٸپ, سەنٸم بٸلدٸرگەنٸڭٸز ٷشٸن ٷلكەن العىس ايتامىن. قانداي قىزمەتتە بولساق تا, ەردايىم ٶزٸڭٸز ايتقان مٸندەتتەردٸ ادال اتقارىپ, قازاقستاننىڭ بولاشاعى ٷشٸن ەڭبەك ەتۋگە بار كٷشٸمدٸ سالۋعا ۋەدە بەرەمٸن", - دەدٸ ەرلان قارين قۇرىلتايدا سٶيلەگەن سٶزٸندە.
ەرلان تىنىمبايۇلى قارين قازاقستان رەسپۋبليكاسىنىڭ ۆيتسە-پرەزيدەنتٸ بولىپ تاعايىندالۋى تۋرالى جارلىققا مەملەكەت باسشىسى قول قويدى. ول بۇرىنعى اتقارعان لاۋازىمىنان بوساتىلدى.
