Búgin Quryltai otyrysynda depýtattar Vitse-prezident laýazymyna usynylǵan Erlan Qarinniń kandidatýrasyn qoldady, dep habarlaidy ult.kz.
"Asa mártebeli Qasym-Jomart Kemeluly, qurmetti Quryltai depýtattary, sońǵy 5-7 jylda elimiz qai jaǵynan bolmasyn aitarlyqtai ózgerdi. Ózińiz aityp júrgendei Qazaqstan múlde jańa turpattaǵy elge ainaldy. Kóptegen salada aýqymdy jáne tereń ózgerister júrip jatyr. Onyń oń nátijesin halqymyz óz kózimen kórip, seze bastady. Sizdiń qoldaýyńyz ben senimińizdiń arqasynda eldegi úlken osyndai tarihi ózgeristerdiń ortasynda júrýge múmkindik aldyq. Qurmetti Qasym-Jomart Kemeluly, ózińiz jii aitatyn bir sóz bar: árbir azamat úshin elge qyzmet etý úlken baqyt ári zor mártebe. Maǵan da osy jyldary osyndai múmkindik berip, senim bildirgenińiz úshin úlken alǵys aitamyn. Qandai qyzmette bolsaq ta, árdaiym ózińiz aitqan mindetterdi adal atqaryp, Qazaqstannyń bolashaǵy úshin eńbek etýge bar kúshimdi salýǵa ýáde beremin", - dedi Erlan Qarin Quryltaida sóilegen sózinde.
Erlan Tynymbaiuly Qarin Qazaqstan Respýblikasynyń Vitse-Prezidenti bolyp taǵaiyndalýy týraly Jarlyqqa Memleket basshysy qol qoidy. Ol burynǵy atqarǵan laýazymynan bosatyldy.
