2026 جىلعى قۇرىلتاي دەپۋتاتتارىن سايلاۋ بارىسىندا ەكٸمشٸلٸك قۇقىق بۇزۋشىلىقتىڭ ەكٸ قۇرامى بويىنشا 15 دەرەك انىقتالعان. بۇل 2023 جىلعى سايلاۋمەن سالىستىرعاندا بٸرنەشە ەسە از, دەپ حابارلايدى ult.kz باس پروكۋراتۋراعا سٸلتەمە جاساپ.
پروكۋراتۋرا مەلٸمەتٸنشە, سايلاۋ ناۋقانىنىڭ بارلىق كەزەڭٸندە زاڭدىلىقتىڭ ساقتالۋىنا باقىلاۋ جٷرگٸزٸلگەن. كانديداتتاردى ۇسىنۋ مەن تٸركەۋ, ٷگٸت جٷرگٸزۋ جەنە داۋىس بەرۋ پروتسەستەرٸ زاڭ تالاپتارىنا سەيكەس ٶتكەن.
انىقتالعان 15 زاڭبۇزۋشىلىقتىڭ:
- 3-ەۋٸ – زاڭسىز ساۋال سالۋ;
- 12-سٸ – ٷگٸت جٷرگٸزۋگە تىيىم سالىنعان كەزەڭدە ٷگٸت جٷرگٸزۋ فاكتٸلەرٸ.
سونىمەن قاتار سايلاۋ كوميسسييالارى تاراپىنان بيۋللەتەندەردٸ زاڭسىز بەرۋ, باسقا ادامدار ٷشٸن داۋىس بەرۋ نەمەسە بيۋللەتەندەردٸ تاستاۋ سيياقتى فاكتٸلەر تٸركەلمەگەن.
اككرەديتتەلگەن بايقاۋشىلار مەن باق ٶكٸلدەرٸمەن جانجالدار, ولاردى سايلاۋ ۋچاسكەلەرٸنەن شىعارۋ جەنە قوعامدىق تەرتٸپتٸ ٶرەسكەل بۇزۋ جاعدايلارى دا بولماعان.
سالىستىرۋ ٷشٸن: 2023 جىلعى سايلاۋ كەزٸندە سايلاۋ زاڭناماسىن بۇزۋدىڭ 69 فاكتٸسٸ انىقتالعان. ول كەزدە ەكٸمشٸلٸك قۇقىق بۇزۋشىلىقتىڭ 8 قۇرامى بويىنشا ٸستەر تٸركەلگەن.
بيىلعى سايلاۋ كەزەڭٸندە پروكۋرورلارعا 12 ٶتٸنٸش تٷسكەن. ولاردىڭ بارلىعى پارتييالىق تٸزٸمدەردٸ تٸركەۋ جەنە ٷگٸت جٷرگٸزۋ مەسەلەلەرٸنە قاتىستى بولعان. ٶتٸنٸشتەردٸڭ ەرقايسىسىنا تٷسٸندٸرمە سيپاتىنداعى جاۋاپ بەرٸلگەن.
ال 2023 جىلعى مەجٸلٸس سايلاۋى كەزٸندە پروكۋراتۋرا ورگاندارى 113 ٶتٸنٸش پەن شاعىمدى قاراعان. بۇل بيىلعى كٶرسەتكٸشتەن شامامەن 9 ەسە كٶپ.
سونداي-اق 2023 جىلى مەجٸلٸس دەپۋتاتتىعىنا كانديداتتار سوتتارعا 82 تالاپ ارىز بەرگەن. ال بيىل پارتييالىق تٸزٸمدەرگە ەنگٸزٸلگەن كانديداتتاردىڭ سوتقا جٷگٸنۋ فاكتٸسٸ تٸركەلمەگەن.
باس پروكۋراتۋرا بۇل كٶرسەتكٸشتەر سايلاۋ پروتسەسٸنە قاتىسۋشىلاردىڭ قۇقىقتىق مەدەنيەتٸ ارتقانىن جەنە سايلاۋ بارىسىندا تٷسٸندٸرۋ ەرٸ پروفيلاكتيكالىق جۇمىستاردىڭ تيٸمدٸ بولعانىن كٶرسەتەتٸنٸن اتاپ ٶتتٸ.
