قوستانايدا بەلگٸسٸز بٸرەۋلەر جەرگٸلٸكتٸ بالالار مەن جاسٶسپٸرٸمدەردٸڭ سۋرەتتەرٸن Telegram-ارناعا جارييالاپ, ولاردى قورلاپ, جازبالاردى ٶشٸرۋ ٷشٸن اقشا تالاپ ەتكەن. اتا-انالار پوليتسييادان كٸنەلٸلەردٸ تاۋىپ, جاۋاپقا تارتۋدى سۇراپ وتىر, دەپ حابارلايدى ult.kz.
كتك ارناسىنىڭ مەلٸمەتٸنشە, مەسەلە «پوزور كوستانايا» دەپ اتالاتىن Telegram-ارناعا قاتىستى. وندا بالالار مەن جاسٶسپٸرٸمدەردٸڭ سۋرەتتەرٸ جارييالانىپ, ار-نامىسىنا تيەتٸن جازبالار جازىلعان.
اتا-انالاردىڭ ايتۋىنشا, كەي قىزداردان جارييالانىمداردى ٶشٸرۋ ٷشٸن اقشا سۇرالعان.
«بالالارىمىزدى Telegram-ارنالارعا شىعارىپ جاتىر. قىزداردان اقشا سۇراعان. جارييالانىمداردى ٶشٸرۋ ٷشٸن اقشا تالاپ ەتكەن», – دەيدٸ اتا-انالاردىڭ بٸرٸ.
تۇرعىنداردىڭ سٶزٸنشە, ارناداعى جازبالاردى ٶشٸرۋدٸڭ ەكٸ شارتى قويىلعان. بٸرٸنشٸسٸ – اتى اتالعان بالا تاعى بەس بالا تۋرالى وسىنداي ماتەريال جٸبەرۋٸ كەرەك. ەكٸنشٸسٸ – اقشا تٶلەۋ.
كەي جاعدايدا اقشا تٶلەگەن ادامعا جارييالانىمدى جٸبەرگەن ادامنىڭ جەكە دەرەكتەرٸن بەرۋگە ۋەدە ەتٸلگەن.
اتا-انالار بۇل ەرەكەتتٸ اشىق تٷردە اقشا بوپسالاۋ دەپ باعالاپ, ارنا ەكٸمشٸلەرٸن انىقتاپ, جاۋاپقا تارتۋدى تالاپ ەتٸپ وتىر. ولاردىڭ ايتۋىنشا, مۇنداي جازبالاردان كٶپتەگەن بالا زارداپ شەككەن.
پوليتسييا بۇل جاعدايدان حاباردار. قازٸر وقيعاعا بايلانىستى تەكسەرۋ جٷرٸپ جاتىر.
قوستاناي قالاسى پوليتسييا دەپارتامەنتٸ قوعامدىق قاۋٸپسٸزدٸك بٶلٸمٸنٸڭ باستىعى قايرات دەۋرەنبەكوۆتٸڭ ايتۋىنشا, قۇقىق قورعاۋ ورگاندارى وقيعانىڭ بارلىق مەن-جايىن انىقتاپ, قاجەتتٸ ماتەريالداردى جيناپ جاتىر.
«قىزمەتكەرلەر وقيعانىڭ بارلىق مەن-جايىن انىقتاپ, قاجەت ماتەريالداردى جيناپ, تٸركەپ جاتىر. سونىمەن قاتار اتالعان ماتەريالداردى جارييالاۋعا قاتىسى بار ادامدار انىقتالۋدا. وسىدان كەيٸن ولاردىڭ ەرەكەتتەرٸنە قۇقىقتىق باعا بەرٸلەدٸ», – دەدٸ قايرات دەۋرەنبەكوۆ.
اتا-انالاردىڭ ايتۋىنشا, Telegram-ارناعا جازىلۋشىلار سانى دا ارتىپ كەلەدٸ. قازٸر ونىڭ اۋديتوريياسى 2 مىڭ ادامنان اسقان.
