كوروناۆيرۋسقا قارسى QazVac ۆاكتسيناسىن جاساپ شىعارعان عالىمدار ەل-فارابي اتىنداعى مەملەكەتتٸك سىياقىنى قايىرىمدىلىققا باعىتتادى, دەپ حابارلايدى قازاقپارات.
«2021 جىلعى عىلىم مەن تەحنيكا سالاسىنداعى مەملەكەتتٸك سىيلىق بيولوگييالىق قاۋٸپسٸزدٸك پروبلەمالارى عىلىمي-زەرتتەۋ ينستيتۋتىنىڭ عالىمدارىنا بەرٸلدٸ. سىياقى مٶلشەرٸ 18 ملن 600 مىڭ تەڭگە. ينستيتۋت ۇجىمى ول اقشانى قايىرىمدىلىققا باعىتتاۋ تۋرالى شەشٸم قابىلدادى. بۇ قاراجات وتار اۋىلىنداعى باسپاناعا مۇقتاج تۇرعىنداردىڭ ٷي ساتىپ الۋىنا جۇمسالدى», - دەپ جازىلعان قازاقستان اۋماعىندا كوروناۆيرۋس ينفەكتسيياسى تارالۋىنىڭ الدىن الۋ جٶنٸندەگٸ ۆەدومستۆوارالىق كوميسسييا تاراتقان مەلٸمەتتە.
رەسمي مەلٸمەت بويىنشا, قورداي اۋدانىنىڭ قوعام قايراتكەرلەرٸنٸڭ, اقساقالدارى مەن باسشىلىعىنىڭ قاتىسۋىمەن كٶپبالالى وتباسى مەن مٷگەدەكتەر وتباسىنا ٷي كٸلتتەرٸ بٷگٸن تابىستالدى.
بۇعان دەيٸن «QazVac» ۆاكتسيناسى مەن «روزەوفۋنگين-اس» وتاندىق تٷپنۇسقاداعى جاڭا دەرٸلٸك پرەپاراتىن ەزٸرلەگەن قازاقستاندىق عالىمدارعا ەل-فارابي اتىنداعى عىلىم مەن تەحنيكا سالاسىنداعى 2021 جىلعى مەملەكەتتٸك سىيلىعى بەرٸلەتٸنٸ حابارلانعان بولاتىن.
