Koronavirýsqa qarsy QazVac vaktsinasyn jasap shyǵarǵan ǵalymdar Ál-Farabi atyndaǵy memlekettik syiaqyny qaiyrymdylyqqa baǵyttady, dep habarlaidy QazAqparat.
«2021 jylǵy ǵylym men tehnika salasyndaǵy memlekettik syilyq biologiialyq qaýipsizdik problemalary ǵylymi-zertteý institýtynyń ǵalymdaryna berildi. Syiaqy mólsheri 18 mln 600 myń teńge. Institýt ujymy ol aqshany qaiyrymdylyqqa baǵyttaý týraly sheshim qabyldady. Bu qarajat Otar aýylyndaǵy baspanaǵa muqtaj turǵyndardyń úi satyp alýyna jumsaldy», - dep jazylǵan Qazaqstan aýmaǵynda koronavirýs infektsiiasy taralýynyń aldyn alý jónindegi vedomstvoaralyq komissiia taratqan málimette.
Resmi málimet boiynsha, Qordai aýdanynyń qoǵam qairatkerleriniń, aqsaqaldary men basshylyǵynyń qatysýymen kópbalaly otbasy men múgedekter otbasyna úi kiltteri búgin tabystaldy.
Buǵan deiin «QazVac» vaktsinasy men «Rozeofýngin-AS» otandyq túpnusqadaǵy jańa dárilik preparatyn ázirlegen qazaqstandyq ǵalymdarǵa Ál-Farabi atyndaǵy ǵylym men tehnika salasyndaǵy 2021 jylǵy memlekettik syilyǵy beriletini habarlanǵan bolatyn.
