قازاقستاندا ەلەكتروندىق ساۋدا الاڭدارى مەن ينتەرنەت-جارناما ارقىلى ورنالاستىرۋعا جەنە ساتۋعا تىيىم سالىنعان نەمەسە شەكتەۋ قويىلعان تاۋارلاردىڭ تٸزٸمٸ بەكٸتٸلدٸ, دەپ حابارلايدى ult.kz.
قازاقستاندا ەلەكتروندىق ساۋدا الاڭدارى مەن ينتەرنەت-جارناما ارقىلى ورنالاستىرۋعا جەنە ساتۋعا تىيىم سالىنعان نەمەسە شەكتەۋ قويىلعان تاۋارلاردىڭ تٸزٸمٸ بەكٸتٸلدٸ.
قۇجات 32 ساناتتاعى تاۋاردى قامتيدى. وندا ماركەتپلەيستەردە قانداي ٶنٸمدەردٸ ساتۋعا بولمايتىنى جەنە قانداي تالاپتارمەن ساتىلاتىنى ناقتى كٶرسەتٸلگەن.
تٸزٸمنٸڭ باسىم بٶلٸگٸن قارۋ-جاراق تٷرلەرٸ قۇرايدى. ولار اينالىمى شەكتەۋلٸ جەنە تولىق تىيىم سالىنعان قارۋلار بولىپ ەكٸگە بٶلٸنەدٸ.
اينالىمى شەكتەۋلٸ قارۋلارعا مەحانيكالىق شاشىراتقىشتار, اەروزولدٸ قۇرىلعىلار, وقسىزداندىرىلعان جەنە دابىل بەرەتٸن قارۋلار, سۋىق قارۋلار, ەلەكترشوكەرلەر, پنەۆماتيكالىق جەنە اتىس قارۋلارى جاتادى. مۇنداي تاۋارلاردى تەك 18 جاسقا تولعان ازاماتتارعا جەنە ليتسەنزيياسى بار زاڭدى تۇلعالار – قارۋ-جاراق دٷكەندەرٸ عانا ساتا الادى. ال اتىس قارۋىن ساتىپ الۋ ٷشٸن ٸشكٸ ٸستەر ورگاندارىنىڭ ارنايى رۇقساتى قاجەت.
ال ازاماتتىق جەنە قىزمەتتٸك ماقساتتا قولدانۋعا تولىق تىيىم سالىنعان قارۋلاردىڭ قاتارىنا كاليبرٸ 4,5 ميلليمەتردەن جوعارى پنەۆماتيكالىق قارۋلار, وقجاتار سىيىمدىلىعى 10 وقتان اساتىن ۇزىن ۇڭعىلى قارۋلار, اۆتوماتتى قارۋلار, باسقا زاتتارعا ۇقساتىپ جاسالعان قارۋلار, لاقتىرىلاتىن قارۋلار, جٷزٸ اۆتوماتتى تٷردە شىعاتىن ەرٸ ۇزىندىعى 90 ميلليمەتردەن اساتىن پىشاقتار, برون بۇزاتىن, جاندىرعىش نەمەسە جارىلعىش وقتار, سونداي-اق ەسەرٸ راديواكتيۆتٸ نەمەسە بيولوگييالىق فاكتورلارعا نەگٸزدەلگەن قارۋلار ەنگٸزٸلگەن. سونىمەن قاتار مەتالل ٸزدەگٸش قۇرالدارمەن انىقتالمايتىن ماتەريالدان جاسالعان جەنە كريميناليستيكالىق تالاپتارعا سەيكەستٸگٸن راستايتىن قۇجاتتارى جوق قارۋلاردى ساتۋعا بولمايدى. بۇل تالاپتاردىڭ ورىندالۋىن ٸشكٸ ٸستەر مينيسترلٸگٸ باقىلايدى.
تەمەكٸ ٶنٸمدەرٸن, ونىڭ ٸشٸندە قىزدىرىلاتىن تەمەكٸ ٶنٸمدەرٸن, كاليان تەمەكٸسٸن جەنە تەمەكٸنٸ قىزدىرۋ جٷيەلەرٸن ساتۋعا رۇقسات ەتٸلەدٸ. الايدا ولاردى 21 جاسقا تولماعان ادامدارعا, اشىلعان قوراپتان بٶلشەكتەپ ساتۋعا, ساۋدا اۆتوماتتارى ارقىلى ٶتكٸزۋگە, سونداي-اق دەنساۋلىق ساقتاۋ, بٸلٸم بەرۋ ۇيىمدارى مەن سپورت نىساندارىنىڭ اۋماعىندا ساتۋعا تىيىم سالىنادى.
ال تٷتٸنسٸز تەمەكٸ ٶنٸمدەرٸ, ەلەكتروندىق تەمەكٸلەر (ۆەيپتەر), ولارعا ارنالعان سۇيىقتىقتار مەن حوش يٸستەندٸرگٸشتەردٸ ەكەلۋگە, ٶندٸرۋگە, ساقتاۋعا, تاسىمالداۋعا, تاراتۋعا جەنە ساتۋعا تولىق تىيىم سالىنعان. بۇل باعىتتاعى باقىلاۋدى مەدەنيەت جەنە اقپارات مينيسترلٸگٸ جٷزەگە اسىرادى.
ەتيل سپيرتٸ مەن الكوگول ٶنٸمدەرٸنە قاتىستى دا بٸرقاتار شەكتەۋلەر ەنگٸزٸلگەن. تەحنيكالىق رەگلامەنت تالاپتارىنا سەيكەس كەلمەيتٸن, قاڭىلتىر ىدىستاعى, زاتتاڭباسى نەمەسە اكتسيزدٸك ماركاسى جوق الكوگول ٶنٸمدەرٸن ساتۋعا بولمايدى.
سونداي-اق الكوگولدٸ 21 جاسقا تولماعاندارعا ساتۋعا, اراق پەن كٷشتٸ الكوگول ٶنٸمدەرٸن ەڭ تٶمەنگٸ بٶلشەك ساۋدا باعاسىنان تٶمەن باعامەن ٶتكٸزۋگە تىيىم سالىنادى. بۇدان بٶلەك, الكوگول ٶنٸمدەرٸن ساعات 23:00-دەن تاڭعى 08:00-گە دەيٸن, ال قۇرامىنداعى سپيرت مٶلشەرٸ 30 پايىزدان جوعارى سۋسىنداردى ساعات 21:00-دەن كەلەسٸ كٷنگٸ 12:00-گە دەيٸن ساتۋعا بولمايدى. بۇل شەكتەۋ مەيرامحانالارعا, بارلارعا, كافەلەرگە جەنە جولاۋشىلار كٶلٸگٸنە قولدانىلمايدى.
سەكسەۋٸل اعاشىنان جاسالعان ٶنٸمدەر دە تٸزٸمگە ەنگٸزٸلدٸ. ەكولوگييا جەنە تابيعي رەسۋرستار مينيسترٸنٸڭ 2024 جىلعى 30 قازانداعى بۇيرىعىنا سەيكەس, مەملەكەتتٸك ورمان قورى اۋماعىنداعى سەكسەۋٸل ورماندارىن كەسۋگە قويىلعان تىيىم مەرزٸمٸ اياقتالعانعا دەيٸن مۇنداي ٶنٸمدەردٸ ساتۋعا بولمايدى. تىيىم 2028 جىلدىڭ 31 جەلتوقسانىنا دەيٸن كٷشٸندە بولادى.
جانۋارلاردان الىناتىن ٶنٸمدەرگە قاتىستى دا تالاپتار كٷشەيتٸلدٸ. ۆەتەرينارييالىق-سانيتارييالىق ساراپتامادان ٶتپەگەن ەت, سٷت, جۇمىرتقا جەنە ٶزگە دە ٶنٸمدەردٸ ساتۋعا تىيىم سالىنادى. اۋىل شارۋاشىلىعى جانۋارلارىن سويۋ كەزٸندە مٸندەتتٸ تٷردە ۆەتەرينارييالىق انىقتاما بولۋى تيٸس. سونداي-اق جەتٸ تەۋلٸكتەن ارتىق ساقتالعان ەت پەن سۋبٶنٸمدەردٸ ٶتكٸزۋگە رۇقسات ەتٸلمەيدٸ.
بۇدان بٶلەك, قازاقستاندا مەملەكەتتٸك تٸركەۋدەن ٶتپەگەن جەنە سەيكەستٸك سەرتيفيكاتى جوق دەرٸلٸك زاتتار مەن مەديتسينالىق بۇيىمداردى كٶتەرمە نەمەسە بٶلشەك ساۋدادا ساتۋعا تولىق تىيىم سالىنعان.
