قازاقستاندىقتاردىڭ بانكتەردەگٸ جيناعى تاريحي ماكسيمۋمعا جەتتٸ. ەكٸنشٸ توقساننىڭ قورىتىندىسى بويىنشا حالىقتىڭ دەپوزيتتەردەگٸ قاراجاتى 30 تريلليون تەڭگەنٸ قۇرادى, دەپ حابارلايدى ult.kz.
سونىمەن قاتار ەلدە تاعى بٸر رەكورد تٸركەلدٸ. دەپوزيتتەردٸڭ دوللارلانۋ دەڭگەيٸ العاش رەت 20 پايىزدان تٶمەندەدٸ.
ساراپشىلاردىڭ مەلٸمەتٸنشە, ەكٸنشٸ توقساندا شەتەل ۆاليۋتاسىنداعى جيناق كٶلەمٸ ايتارلىقتاي ٶزگەرمەگەن. ال دەپوزيتتەردٸڭ نەگٸزگٸ ٶسٸمٸ تەڭگەدەگٸ سالىمداردىڭ ارتۋى ەسەبٸنەن بولعان.
ماماندار بۇعان بٸرنەشە فاكتور ەسەر ەتكەنٸن اتاپ ٶتتٸ.
بٸرٸنشٸدەن, تەڭگەنٸڭ نىعايۋى حالىقتىڭ دوللار ساتىپ الۋعا دەگەن قىزىعۋشىلىعىن تٶمەندەتكەن.
ەكٸنشٸدەن, دەپوزيتتەردٸڭ جوعارى تابىستىلىعى سۇرانىستى ارتتىرعان. 2025 جىلعى قازاننان 2026 جىلعى ماۋسىمعا دەيٸن ۇلتتىق بانكتٸڭ بازالىق مٶلشەرلەمەسٸ 18 پايىز دەڭگەيٸندە ساقتالدى. بۇل بانكتەردەگٸ تەڭگەلٸك سالىمداردىڭ تارتىمدىلىعىن كٷشەيتتٸ.
ٷشٸنشٸدەن, بازالىق مٶلشەرلەمەنٸڭ تٶمەندەۋٸ كٷتٸلگەندٸكتەن, قازاقستاندىقتار جوعارى پايىزدىق مٶلشەرلەمەلەردٸ بۇرىنعى شارتتارمەن بەكٸتٸپ قالۋعا اسىققان. بازالىق مٶلشەرلەمەنٸڭ 17 پايىزعا دەيٸن تٶمەندەۋٸ بانكتەردەگٸ دەپوزيتتەردٸڭ كٸرٸستٸلٸگٸنە دە ەسەر ەتۋٸ مٷمكٸن ەدٸ.
وسى فاكتورلاردىڭ بارلىعى حالىقتىڭ تەڭگەدەگٸ دەپوزيتتەرگە قاراجاتىن كٶبەيتۋٸنە ىقپال ەتٸپ, بانك سالىمدارىنىڭ كٶلەمٸن رەكوردتىق دەڭگەيگە جەتكٸزدٸ.
