Qazaqstandyqtardyń bankterdegi jinaǵy tarihi maksimýmǵa jetti. Ekinshi toqsannyń qorytyndysy boiynsha halyqtyń depozitterdegi qarajaty 30 trillion teńgeni qurady, dep habarlaidy ult.kz.
Sonymen qatar elde taǵy bir rekord tirkeldi. Depozitterdiń dollarlaný deńgeii alǵash ret 20 paiyzdan tómendedi.
Sarapshylardyń málimetinshe, ekinshi toqsanda shetel valiýtasyndaǵy jinaq kólemi aitarlyqtai ózgermegen. Al depozitterdiń negizgi ósimi teńgedegi salymdardyń artýy esebinen bolǵan.
Mamandar buǵan birneshe faktor áser etkenin atap ótti.
Birinshiden, teńgeniń nyǵaiýy halyqtyń dollar satyp alýǵa degen qyzyǵýshylyǵyn tómendetken.
Ekinshiden, depozitterdiń joǵary tabystylyǵy suranysty arttyrǵan. 2025 jylǵy qazannan 2026 jylǵy maýsymǵa deiin Ulttyq banktiń bazalyq mólsherlemesi 18 paiyz deńgeiinde saqtaldy. Bul bankterdegi teńgelik salymdardyń tartymdylyǵyn kúsheitti.
Úshinshiden, bazalyq mólsherlemeniń tómendeýi kútilgendikten, qazaqstandyqtar joǵary paiyzdyq mólsherlemelerdi burynǵy sharttarmen bekitip qalýǵa asyqqan. Bazalyq mólsherlemeniń 17 paiyzǵa deiin tómendeýi bankterdegi depozitterdiń kiristiligine de áser etýi múmkin edi.
Osy faktorlardyń barlyǵy halyqtyń teńgedegi depozitterge qarajatyn kóbeitýine yqpal etip, bank salymdarynyń kólemin rekordtyq deńgeige jetkizdi.
