قازاقستاندا الداعى ەكٸمشٸلٸك راقىمشىلىق اياسىندا ازاماتتار مەن جەكە كەسٸپكەرلەردٸڭ 300 ميلليون تەڭگەگە جۋىق ەكٸمشٸلٸك ايىپپۇلى ەسەپتەن شىعارىلۋى مٷمكٸن. بۇل تۋرالى مەملەكەتتٸك كٸرٸستەر كوميتەتٸ مەلٸمدەدٸ, دەپ حابارلايدى ult.kz.
كوميتەتتٸڭ مەلٸمەتٸنشە, راقىمشىلىق قازاقستان ازاماتتارىنا, جەكە كەسٸپكەرلەرگە, جەكە نوتاريۋستارعا, جەكە سوت ورىنداۋشىلارىنا, ادۆوكاتتار مەن زاڭ كونسۋلتانتتارىنا قاتىستى قولدانىلادى.
ال زاڭدى تۇلعالارعا, لاۋازىمدى تۇلعالارعا, قانداستارعا, شەتەل ازاماتتارى مەن ازاماتتىعى جوق ادامدارعا بۇل جەڭٸلدٸك بەرٸلمەيدٸ. سونداي-اق سوت تاعايىنداعان ەكٸمشٸلٸك جازالار مەن ازاماتتاردىڭ جەنە مەملەكەتتٸڭ قاۋٸپسٸزدٸگٸنە قاتەر تٶندٸرەتٸن قۇقىقبۇزۋشىلىقتار راقىمشىلىققا ٸلٸكپەيدٸ.
بۇدان بٶلەك, مەملەكەتتٸك كٸرٸستەر ورگاندارى قارايتىن بٸرقاتار سالىقتىق قۇقىقبۇزۋشىلىقتار دا راقىمشىلىقتان تىس قالادى. اتاپ ايتقاندا, سالىق سالۋ وبەكتٸلەرٸن جاسىرۋ, سالىق تٶلەۋدەن جالتارۋ جەنە سالىق سوماسىن ەدەيٸ تٶمەندەتۋگە قاتىستى ەكٸمشٸلٸك قۇقىقبۇزۋشىلىقتار كەشٸرٸلمەيدٸ. كوميتەت مۇنى مۇنداي ەرەكەتتەردٸڭ مەملەكەت ەكونوميكاسىنا ەلەۋلٸ زالال كەلتٸرۋٸمەن تٷسٸندٸردٸ.
ۆەدومستۆو سونداي-اق بيىل ميكرو جەنە شاعىن بيزنەسكە ارنالعان شارتتى «تازا پاراق» تەتٸگٸنٸڭ نەتيجەسٸن جارييالادى. سونىڭ ارقاسىندا 19 مىڭ كەسٸپكەر نەگٸزگٸ سالىق بەرەشەگٸن 13 ملرد تەڭگەگە ٶتەپ, 4,4 ملرد تەڭگە ٶسٸمپۇل مەن 4,9 ملرد تەڭگە ايىپپۇلدان بوساتىلعان.
قارجى مينيسترلٸگٸنٸڭ الدىن الا ەسەبٸنە سەيكەس, جاڭا ەكٸمشٸلٸك راقىمشىلىق 2 370 ادامعا قاتىستى بولۋى مٷمكٸن. ونىڭ ٸشٸندە 448 جەكە تۇلعانىڭ 72,7 ميلليون تەڭگە, ال 1 930 جەكە كەسٸپكەردٸڭ 225,6 ميلليون تەڭگە كٶلەمٸندەگٸ ايىپپۇلى ەسەپتەن شىعارىلۋى ىقتيمال.
كوميتەت ناقتى كٶرسەتكٸشتەر زاڭ قابىلدانىپ, كٷشٸنە ەنگەننەن كەيٸن بەلگٸلٸ بولاتىنىن اتاپ ٶتتٸ.
ايتا كەتەيٸك, قازاقستان تەۋەلسٸزدٸك تاريحىندا العاش رەت ەكٸمشٸلٸك راقىمشىلىق ەنگٸزٸلمەك. بۇعان دەيٸن ٸشكٸ ٸستەر مينيسترلٸگٸ ٶز قۇزىرەتٸ بويىنشا عانا قازاقستاندىقتاردىڭ 17 ميلليارد تەڭگەدەن استام ايىپپۇلى كەشٸرٸلەتٸنٸن حابارلاعان ەدٸ. جالپى ەكٸمشٸلٸك راقىمشىلىق 15 مەملەكەتتٸك ورگاننىڭ قاراۋىنا جاتاتىن ەكٸمشٸلٸك قۇقىق بۇزۋشىلىق تۋرالى كودەكستٸڭ 263 بابىن قامتيدى.
