قازاقستاندىق شاحماتشىلار باە-دە ٶتكەن 32-شٸ Abu Dhabi International Chess Festival حالىقارالىق شاحمات فەستيۆالٸندە ەكٸ مەدال جەڭٸپ الدى. اشىق بليتس-تۋرنيردە گروسسمەيستەر ەدگار مامەدوۆ كٷمٸس جٷلدەگەر اتانسا, گروسسمەيستەر الدييار انسات قولا جٷلدەگە يە بولدى, دەپ حابارلايدى ult.kz.
قازاقستان شاحمات فەدەراتسيياسىنىڭ باسپاسٶز قىزمەتٸنٸڭ مەلٸمەتٸنشە, 16 جاستاعى ەدگار مامەدوۆ مٷمكٸن 11 ۇپايدىڭ 9,5-ٸن جيناپ, ەكٸنشٸ ورىندى يەلەندٸ. 18 جاستاعى الدييار انسات 9 ۇپايمەن ٷشٸنشٸ ورىنعا تۇراقتادى. بليتس-تۋرنيردٸڭ جەڭٸمپازى 10 ۇپاي جيناعان حالىقارالىق ماستەر الەكساندر ۋسوۆ بولدى.
قازاقستاندىقتار فەستيۆالدٸڭ باستى تۋرنيرٸ – Masters-تە دە سەتتٸ ٶنەر كٶرسەتتٸ. وعان 22 ەلدەن 109 سپورتشى قاتىستى, ونىڭ ٸشٸندە 17 گروسسمەيستەر (GM), 32 حالىقارالىق ماستەر (IM) جەنە 5 ەيەلدەر گروسسمەيستەرٸ (WGM) بولدى. قازاقستان ٶكٸلدەرٸنٸڭ ٸشٸندەگٸ ەڭ جاقسى نەتيجەنٸ حالىقارالىق ماستەر دانييال ساپەنوۆ كٶرسەتٸپ, التىنشى ورىندى الدى.
توعىز تۋر قورىتىندىسى بويىنشا 17 جاستاعى دانييال ساپەنوۆ 6,5 ۇپاي جينادى – بۇل ەكٸنشٸدەن بەسٸنشٸ ورىنعا دەيٸنگٸ شاحماتشىلارمەن بٸردەي. قورىتىندى ورىندار قوسىمشا كٶرسەتكٸشتەر بويىنشا بٶلٸندٸ. Masters تۋرنيرٸنٸڭ جەڭٸمپازى 7 ۇپايمەن ٶزبەكستان ٶكٸلٸ جاحونگير ۆاحيدوۆ اتاندى. ەكٸنشٸ ورىندى دانييل دۋبوۆ, ٷشٸنشٸ ورىندى الەكساندر راحمانوۆ يەلەندٸ.
وندىققا قازاقستاندىق گروسسمەيستەر ەدگار مامەدوۆ تا ەندٸ. ول 6 ۇپاي جيناپ, 10-ورىندى الدى. الدييار انسات تا وسىنداي ۇپايمەن تۋرنيردٸ 14-ورىندا اياقتادى.
32nd Abu Dhabi International Chess Festival باە استاناسى ابۋ-دابيدە 15–24 تامىز ارالىعىندا ٶتتٸ.
