قازاقستاندا زەينەتاقى جٷيەسٸن جاڭعىرتۋعا قاتىستى بٸرنەشە جاڭا ۇسىنىس تالقىلانىپ جاتىر, دەپ حابارلايدى ult.kz.
بۇل مەسەلە ەڭبەك جەنە حالىقتى ەلەۋمەتتٸك قورعاۋ مينيسترٸ اسقاربەك ەرتاەۆتىڭ تٶراعالىعىمەن ٶتكەن ارنايى جۇمىس توبىنىڭ وتىرىسىندا قارالدى.
جيىندا تالقىعا تٷسكەن نەگٸزگٸ باستامالاردىڭ بٸرٸ – سينگاپۋردىڭ زەينەتاقى مودەلٸنە ۇقساس جٷيە. ۇسىنىسقا سەيكەس, ازاماتتاردىڭ مٸندەتتٸ زەينەتاقى جارنالارى بٸرنەشە ماقساتقا بٶلٸنٸپ جينالادى. سونىڭ نەتيجەسٸندە ادامدار زەينەت جاسىنا جەتپەي-اق جيناقتارىنىڭ بٸر بٶلٸگٸن باسپانا ساتىپ الۋعا, بٸلٸم الۋعا, ەمدەلۋگە نەمەسە ينۆەستيتسييا جاساۋعا پايدالانا الادى. جيناق ٷش شوتقا بٶلٸنٸپ, ولاردىڭ بٸرٸ تۇرعىن ٷي مەسەلەسٸن شەشۋگە ارنالعان جەڭٸلدەتٸلگەن تەتٸك رەتٸندە قاراستىرىلعان.
الايدا ساراپشىلار بۇل مودەلدٸڭ ەلەۋمەتتٸك وسال توپتاردىڭ, سونىڭ ٸشٸندە مٷگەدەكتٸگٸ بار ازاماتتار مەن ەرەكشە قاجەتتٸلٸگٸ بار بالا تەربيەلەپ وتىرعان اتا-انالاردىڭ مٷددەلەرٸن قانشالىقتى قورعايتىنىنا قاتىستى سۇراقتار كٶتەردٸ. سوندىقتان بۇل باعىتتاعى ىقتيمال ٶزگەرٸستەردٸ جان-جاقتى زەردەلەۋ قاجەتتٸگٸ ايتىلدى.
وتىرىستا بۇدان ٶزگە دە بالاما تەسٸلدەر تانىستىرىلدى. مەملەكەتتٸك ەلەۋمەتتٸك ساقتاندىرۋ قورى ازاماتتىڭ تابىسى مەن ەلەۋمەتتٸك ساقتاندىرۋ جٷيەسٸنە قاتىسۋ مەرزٸمٸنە بايلانىستى ەسەپتەلەتٸن ەلەۋمەتتٸك زەينەتاقى تٶلەمٸن ەنگٸزۋدٸ ۇسىندى. بۇل باستاما زەينەتاقى جٷيەسٸندەگٸ ەلەۋمەتتٸك قولداۋدى كٷشەيتۋگە باعىتتالعان.
ال بٸرىڭعاي جيناقتاۋشى زەينەتاقى قورى جۇمىس بەرۋشٸنٸڭ مٸندەتتٸ اۋدارىمدارىنىڭ 4 پايىزىن ازاماتتىڭ جەكە زەينەتاقى شوتىنا, ال 1 پايىزىن ورتاق ساقتاندىرۋ قۇرامداسىنا باعىتتاۋ مودەلٸن ۇسىندى. بۇل تەسٸل جيناقتاۋشى جەنە ساقتاندىرۋ قاعيداتتارىن بٸرٸكتٸرٸپ, ٶمٸر بويى تٶلەنەتٸن زەينەتاقى جٷيەسٸن قالىپتاستىرۋعا مٷمكٸندٸك بەرەدٸ.
ەڭبەك جەنە حالىقتى ەلەۋمەتتٸك قورعاۋ مينيسترلٸگٸ اتالعان ۇسىنىستاردىڭ ەزٸرگە تالقىلاۋ جەنە ساراپتاۋ كەزەڭٸندە ەكەنٸن اتاپ ٶتتٸ. ياعني, بۇل ٶزگەرٸستەر ەلٸ قابىلدانعان جوق. تٷپكٸلٸكتٸ شەشٸمدەر ۇسىنىستاردىڭ ەلەۋمەتتٸك ەدٸلەتتٸلٸككە, قارجىلىق تۇراقتىلىققا جەنە حالىقتىڭ ەرتٷرلٸ ساناتىنا ىقپالى جان-جاقتى باعالانعاننان كەيٸن عانا قابىلدانادى.
