بالالار مەن جاسٶسپٸرٸمدەرگە ارنالعان, 96 جىلدىق تاريحى بار رەسپۋبليكالىق «ۇلان» گازەتٸ ulandigital.kz تسيفرلىق پلاتفورماسىن ٸسكە قوستى, دەپ حابارلايدى ult.kz.
جاڭا سايت وقۋشىلارعا ماتەريال وقۋمەن قاتار, كونتەنت ەزٸرلەۋگە دە مٷمكٸندٸك بەرەدٸ. «حات جازامىن» بٶلٸمٸ ارقىلى جاس اۆتورلار ٶز ماقالالارىن, ٶلەڭدەرٸن جەنە باسقا دا شىعارماشىلىق جۇمىستارىن رەداكتسيياعا بٸرنەشە مينۋت ٸشٸندە جولداي الادى. اي سايىن بەلسەندٸ قاتىسۋشىلار اراسىنان ٷزدٸك تٸلشٸ انىقتالىپ وتىرادى.
پلاتفورمادا بالالارعا جۋرناليستيكانىڭ نەگٸزدەرٸن جەڭٸل تٸلمەن تٷسٸندٸرەتٸن مەديا مەكتەپ تە بار. وندا بالالار اقپاراتپەن جۇمىس ٸستەۋدٸڭ قىر-سىرىن مەڭگەرٸپ, ماتەريال ەزٸرلەۋ جەنە كەسٸبي ەتيكا نەگٸزدەرٸمەن تانىسادى. ال «ەرجەتتٸم… بويجەتتٸم…» ايدارى جاسٶسپٸرٸمدەرمەن اشىق ەرٸ سەنٸمدٸ بايلانىس ورناتۋعا ارنالىپ, مۇندا رەداكتسييا ەر جازبانى جەكە قارايدى, ەرٸ جولدانعان حاتتار جارييالانبايدى.
پلاتفورما تولىقتاي قازاق تٸلٸندە ەزٸرلەنٸپ, بالالارعا ارنالعان قاۋٸپسٸز تسيفرلىق ورتا رەتٸندە جۇمىس ٸستەيدٸ. سايتتا سىرتقى جارناما ورنالاستىرىلماعان. پايدالانۋشىلار رەداكتسييا تۋرالى اقپاراتپەن تانىسىپ, تٸكەلەي بايلانىس ورناتا الادى, سونداي-اق گازەتتٸڭ باسپا جەنە PDF نۇسقاسىنا جازىلۋعا بولادى.
