Balalar men jasóspirimderge arnalǵan, 96 jyldyq tarihy bar respýblikalyq «Ulan» gazeti ulandigital.kz tsifrlyq platformasyn iske qosty, dep habarlaidy ult.kz.
Jańa sait oqýshylarǵa material oqýmen qatar, kontent ázirleýge de múmkindik beredi. «Hat jazamyn» bólimi arqyly jas avtorlar óz maqalalaryn, óleńderin jáne basqa da shyǵarmashylyq jumystaryn redaktsiiaǵa birneshe minýt ishinde joldai alady. Ai saiyn belsendi qatysýshylar arasynan úzdik tilshi anyqtalyp otyrady.
Platformada balalarǵa jýrnalistikanyń negizderin jeńil tilmen túsindiretin media mektep te bar. Onda balalar aqparatpen jumys isteýdiń qyr-syryn meńgerip, material ázirleý jáne kásibi etika negizderimen tanysady. Al «Erjettim… Boijettim…» aidary jasóspirimdermen ashyq ári senimdi bailanys ornatýǵa arnalyp, munda redaktsiia ár jazbany jeke qaraidy, ári joldanǵan hattar jariialanbaidy.
Platforma tolyqtai qazaq tilinde ázirlenip, balalarǵa arnalǵan qaýipsiz tsifrlyq orta retinde jumys isteidi. Saitta syrtqy jarnama ornalastyrylmaǵan. Paidalanýshylar redaktsiia týraly aqparatpen tanysyp, tikelei bailanys ornata alady, sondai-aq gazettiń baspa jáne PDF nusqasyna jazylýǵa bolady.
