ەلەمگە تانىمال Dota 2 ويىنشىلارى مەن جەتەكشٸ حالىقارالىق كوماندالار استانادا 1 ميلليون اقش دوللارى كٶلەمٸندەگٸ جٷلدە قورى ٷشٸن تارتىسقا تٷسەدٸ. تۋرنير 2026 جىلعى 29 شٸلدە - 9 تامىز ارالىعىندا ٶتەتٸن حالىقارالىق مۋلتيسپورتتىق «بولاشاق ويىندارى – 2026» اياسىندا ۇيىمداستىرىلادى, دەپ حابارلايدى ult.kz.
جەڭٸس جولىندا قىتاي, قازاقستان, وڭتٷستٸك-شىعىس ازييا, وڭتٷستٸك امەريكا, شىعىس ەۋروپا جەنە ٶزگە دە ٶڭٸرلەردەن كەلگەن 16 كوماندا باق سىنايدى. قاتىسۋشىلار قاتارىندا ەلەم چەمپيوندارى, The International تۋرنيرٸنٸڭ فيناليستەرٸ, سونداي-اق حالىقارالىق دەڭگەيدەگٸ ەڭ ٸرٸ جارىستاردا تانىلعان تەجٸريبەلٸ كيبەرسپورتشىلار بار.
Dota 2 - دەربەس كومپيۋتەرگە ارنالعان MOBA (Multiplayer Online Battle Arena) جانرىنداعى كوماندالىق ستراتەگييالىق ويىن. ەر ماتچتا بەس ويىنشىدان قۇرالعان ەكٸ كوماندا ۆيرتۋالدى الاڭدا ٶزارا باق سىنايدى. جەڭٸسكە جەتۋ ٷشٸن ويىنشىلار قارسىلاستىڭ نەگٸزگٸ بازاسىن جويىپ, ٶز بازاسىن قورعاۋى تيٸس. بۇل ويىن ستراتەگييالىق ويلاۋ قابٸلەتٸن, ٷيلەسٸمدٸ كوماندالىق جۇمىستى جەنە جەدەل شەشٸم قابىلداۋدى تالاپ ەتەدٸ.
قازاقستان نامىسىن تۋرنيردە ەلٸمٸزدٸڭ جەتەكشٸ Dota 2 كوماندالارىنىڭ بٸرٸ Rune Eaters قورعايدى. كوماندا قۇرامىندا دانييال ەلٸباي (xsvampire), ەبدٸمەلٸك سايلاۋ (Malik), ەلٸم بەسپاەۆ (aik), ايبەك توقاەۆ (naive-) جەنە نيكيتا وستاحوۆ (Nicky`Cool) ٶنەر كٶرسەتەدٸ. استانادا قازاقستاندىق كوماندا جەرگٸلٸكتٸ جانكٷيەرلەردٸڭ قولداۋىمەن ەلەمنٸڭ مىقتى ۇجىمدارىنا قارسى وينايدى.
تۋرنيردٸڭ توپتىق كەزەڭٸندە 16 كوماندا تٶرت توپقا بٶلٸنەدٸ. ەر توپتاعى تٶرت كوماندا تارتىسقا تٷسەدٸ. كەزدەسۋلەر best-of-three فورماتىندا ٶتەدٸ, ياعني ەكٸ ويىندا جەڭٸسكە جەتكەن كوماندا كەلەسٸ كەزەڭگە جولداما الادى.
پلەي-وفف كەزەڭٸ تٸكەلەي ٸرٸكتەۋ جٷيەسٸمەن ۇيىمداستىرىلادى: سەرييادا جەڭٸلگەن كوماندا جارىستى اياقتايدى. ال گراند-فينالدا كوماندالار ٷش رەت جەڭٸسكە جەتكەنگە دەيٸن وينايدى. وسىلايشا چەمپيون ەڭ كٶبٸ بەس ويىننىڭ قورىتىندىسى بويىنشا انىقتالادى.
MOBA PC ديستسيپليناسى بويىنشا Dota 2 تۋرنيرٸ 2-5 تامىز ارالىعىندا استاناداعى جاقسىلىق ٷشكەمپٸروۆ اتىنداعى جەكپە-جەك سارايىندا ٶتەدٸ.
