قازاقستاندا جٷرگٸزۋشٸلەردٸ دايارلايتىن وقۋ ۇيىمدارىنا باقىلاۋ كٷشەيتٸلٸپ, ەلەكتروساموكاتتاردىڭ تروتۋارلار مەن جاياۋ جٷرگٸنشٸلەر جولدارىمەن جٷرۋٸنە تىيىم سالىنادى, دەپ حابارلايدى ult.kz.
ٸشكٸ ٸستەر مينيسترلٸگٸ مەملەكەت باسشىسى قاسىم-جومارت توقاەۆ 2026 جىلعى 24 ماۋسىمدا قول قويعان "قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە تسيفرلاندىرۋ, دەربەس دەرەكتەردٸ قورعاۋ, جول قوزعالىسى جەنە كٶلٸكتەگٸ وزىق تەحنولوگييالاردى رەتتەۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى" زاڭعا تٷسٸنٸكتەمە بەردٸ.
ۆەدومستۆونىڭ مەلٸمەتٸنشە, جول قوزعالىسى سالاسىنداعى ٶزگەرٸستەر جول قاۋٸپسٸزدٸگٸن ارتتىرۋعا, جٷرگٸزۋشٸلەردٸ ساپالى دايارلاۋ جٷيەسٸن قالىپتاستىرۋعا جەنە وسى سالاداعى مەملەكەتتٸك باقىلاۋدى كٷشەيتۋگە باعىتتالعان.
وسىعان بايلانىستى جول قوزعالىسى قاۋٸپسٸزدٸگٸن قامتاماسىز ەتۋ جٶنٸندەگٸ ۋەكٸلەتتٸ ورگان – ٸشكٸ ٸستەر مينيسترلٸگٸنە جٷرگٸزۋشٸلەردٸ دايارلايتىن وقۋ ۇيىمدارىنا قىزمەت جٷرگٸزۋگە رۇقسات بەرۋ جەنە ولاردىڭ جۇمىسىن باقىلاۋ قۇزىرەتٸ بەرٸلەدٸ.
زاڭداعى ماڭىزدى جاڭالىقتاردىڭ بٸرٸ – ەلەكتروساموكاتتاردىڭ تروتۋارلار مەن جاياۋ جٷرگٸنشٸلەر جولدارىمەن جٷرۋٸنە تىيىم سالۋ. مينيسترلٸك مۇنداي كٶلٸك قۇرالدارىنىڭ, ەسٸرەسە بالالار ٷشٸن, جاياۋ جٷرگٸنشٸلەر قاۋٸپسٸزدٸگٸنە ناقتى قاۋٸپ تٶندٸرەتٸنٸن اتاپ ٶتتٸ.
ۆەدومستۆو دەرەگٸنشە, 2025 جىلى ەلٸمٸزدە ەلەكتروساموكات جٷرگٸزۋشٸلەرٸنٸڭ كٸنەسٸنەن 139 جول-كٶلٸك وقيعاسى تٸركەلٸپ, سالدارىنان 149 ادام جاراقات العان.
سونىمەن قاتار تٷزەتۋلەرگە سەيكەس, "جول جٷرٸسٸ تۋرالى" زاڭنان ەلدٸ مەكەندەردە قوزعالتقىشى جۇمىس ٸستەپ تۇرعان كٶلٸكتٸ تۇراقتا قالدىرۋعا قاتىستى تىيىم الىنىپ تاستالادى. بۇدان بٶلەك, جول قوزعالىسىن اۆتوماتتى تٷردە تٸركەيتٸن كامەرالاردى قولدانۋ اياسى كەڭەيتٸلٸپ, ەلەكتروموبيلدەر ٷشٸن ارنايى مەملەكەتتٸك تٸركەۋ نٶمٸرلەرٸ ەنگٸزٸلەدٸ.
