قازاقستاندا حالىقتىڭ پسيحيكالىق دەنساۋلىعىن ساقتاۋ تەسٸلدەرٸ تٷبەگەيلٸ جاڭعىرتىلادى. ەندٸگٸ باسىمدىق اۋرۋدىڭ سالدارىن ەمدەۋگە عانا ەمەس, ونىڭ الدىن الۋعا, ەرتە انىقتاۋعا جەنە ازاماتتارعا مەديتسينالىق كٶمەكتٸڭ بارلىق كەزەڭٸندە جٷيەلٸ قولداۋ كٶرسەتۋگە باعىتتالادى, دەپ حابارلايدى ult.kz.
بۇل شارالار پسيحيكالىق دەنساۋلىقتى ساقتاۋ جٶنٸندەگٸ 2027–2030 جىلدارعا ارنالعان جاڭا كەشەندٸ جوسپاردا كٶزدەلگەن. اتالعان كەشەندٸ جوسپار قر پرەمەر-مينيسترٸنٸڭ ورىنباسارى – مەدەنيەت جەنە اقپارات مينيسترٸ ايدا بالاەۆانىڭ تٶراعالىعىمەن ٷكٸمەتتە ٶتكەن كەڭەستە قارالدى.
جاڭا تەسٸلدەر تۋرالى دەنساۋلىق ساقتاۋ مينيسترٸ اقمارال ەلنازاروۆا باياندادى. قازٸرگٸ ۋاقىتتا ەلٸمٸزدە مامانداندىرىلعان كٶمەكتٸ رەسپۋبليكالىق دەڭگەيدەگٸ ەكٸ كلينيكا, ٶڭٸرلەردەگٸ 20 پسيحيكالىق دەنساۋلىق ورتالىعى, 98 باستاپقى پسيحيكالىق دەنساۋلىق ورتالىعى جەنە اۋىلدىق جەرلەردەگٸ 200-دەن استام پسيحيكالىق دەنساۋلىق كابينەتٸ كٶرسەتەدٸ. سونىمەن قاتار جٷرگٸزٸلگەن تالداۋ بۇل قىزمەتتٸ ودان ەرٸ جٷيەلٸ تٷردە دامىتۋ قاجەتتٸگٸن كٶرسەتتٸ.
جاڭا كەشەندٸ جوسپار پسيحيكالىق دەنساۋلىق سالاسىنداعى مامانداردى ەمحانالاردىڭ جۇمىسىنا تارتۋدى, اۋرۋلاردى ەرتە انىقتاۋ جٷيەسٸن جەتٸلدٸرۋدٸ, پاتسيەنتتٸڭ مەديتسينالىق كٶمەك الۋ باعىتىن تسيفرلاندىرۋدى, كادرلىق ەلەۋەتتٸ نىعايتۋدى جەنە ينفراقۇرىلىمدى جاڭعىرتۋدى قامتيدى. بالالار مەن جاسٶسپٸرٸمدەردٸڭ پسيحيكالىق دەنساۋلىعىن قورعاۋعا ەرەكشە نازار اۋدارىلادى.
كەشەندٸ جوسپاردى ەزٸرلەۋ بارىسىندا سالالىق مەملەكەتتٸك ورگاندار عىلىمي زەرتتەۋلەردٸ دامىتۋعا, ماماندار دايارلاۋ ساپاسىن ارتتىرۋعا, بٸلٸم بەرۋ باعدارلامالارىن جاڭارتۋعا, پەداگوگتەر مەن پسيحولوگتەردٸڭ بٸلٸكتٸلٸگٸن جەتٸلدٸرۋگە باعىتتالعان ۇسىنىستارىن ەنگٸزدٸ. سونداي-اق مٷگەدەكتٸگٸ بار بالالار مەن ەرەسەكتەرگە ارنالعان ارناۋلى ەلەۋمەتتٸك قىزمەتتەر جٷيەسٸ مەن تيٸستٸ ينفراقۇرىلىمدى ودان ەرٸ دامىتۋ شارالارى ۇسىنىلدى.
مينيسترلٸكتەر مەن ٶڭٸر ەكٸمدٸكتەرٸنٸڭ باياندامالارى تىڭدالعاننان كەيٸن پسيحيكالىق دەنساۋلىقتى ساقتاۋ جٶنٸندەگٸ 2027–2030 جىلدارعا ارنالعان كەشەندٸ جوسپار ماقۇلداندى.
